Synimet kryesore të reformave ekonomike 2017-2019 do të jenë konsolidimi fiskal dhe ristrukturimi ekonomik .
Hartimi i këtij dokumenti i cili synon rritjen e konkurueshmërisë, ka nisur nën drejtimin e Ministres Milva Ekonomi dhe me mbështetjen e BE-së dhe OECD. Ndërkohë Bashkimi Europian bën apel që ti kushtohet më shumë vëmendje uljes së papunësisë dhe të borxheve.
Në dy vitet e ardhshme Shqipëria duhet ti kushtojë vëmendje të veçantë uljes së papunësisë dhe borxheve.
Ky ka qenë apeli i bërë nga shefi i operacioneve në BE, Yngve Engstrom, gjatë diskutimit të programit të reformave ekonomike 2017-2019 me përfaqësues të institucioneve shqiptare të linjës.
Yngve Engstrom: Ka zhvillme pozitive sa i përket rritjes ekonomike por mbeten akoma edhe shumë pengesa që duhet të shihen me kujdes. Që në afatgjatë të arrihet një rritje e qëndrushme dhe gjithëpërfshirëse duhet të ndiqen cështjet që lidhen me rritjen e produktivitetit, nivelin e lartë të papunësisë dhe të zgjidhet cështja e borxheve në rritje. Pavarësisht masave është e rëndësishme edhe implementimi I tyre në terren.
Ministrja e Zhvillimit ekonomik Milva Ekonomi u shpreh se pavarësisht arritjeve duhet të vijojë punë në drejtim të konsolidimit fiskal dhe ristrukturimit të ekonomisë.
Ekonomi: Pikërisht për këtë gjë, për konsolidimin tonë fiskal dhe vazhdimin e ristrukturimit të ekonomisë. Lajmi i mirë që vjen nga Parisi ishte lajmi që vendet e Ballkanit ja dolën. Se në përgjithësi vendet e Ballkanit kanë ecur me shpejtësi të kënaqshme, natyrisht që duhet të bëjnë më shumë, por optimizmin për të shkuar përpara e kemi që të gjithë.Optimizmi për të shkuar përpara duhet të vijë pikërisht nga ky kordinim që duhet ta forcojmë dhe më tej me njëri-tjetrin.
Shqipëria është mbështetur në hartimin e këtij dokumenti ekonomik nga Bashkimi evropian dhe OECD.
