Një numër i madh të rinjsh nga të gjitha rreth marrin sot pjesë në protestë. Njëzëri ata shprehen se qeveria po i mban peng, po iu kufizon të ardhmen ndaj bëjnë thirrje se “Duam lirinë”. Një prej tyre tregon se punon me orë të tëra por në fund rroga nuk i del as për shpenzimet dhe kështu nuk ndihmon dot kurrë prindërit e tij.
“Kjo është një nga protestat më të bukura që kemi marrë pjese se personifikon pranverën shqiptare, qytetaret e lirë që janë ngritur për problemet e tyre reale për të marrë frenat e tyre në dorë. Jam student, çfarë t’u ofroj prindërve që jetojnë në Kavajë e hapin sytë te unë ndërkohë unë punoj e me zor ia dal vetë në fund të muajit”, u shpreh i riu.
Më tutje ai tha se ky vend nuk i ofron asgjë, prandaj e vetmja mundësi është të largohet. Sakaq, ai tha se është e turpshme që qeveria iu kursen bukën e gojës. “Çfarë më ofron mua ku vend? Të ha të pi? Por dhe kafshët mund të hanë njeriu nuk jeton vetëm për të ngrënë por për të ndërtuar një të ardhme. Çfarë të ardhme jemi duke ndërtuar ne në Shqipëri? Shumë bashkëqytetarë janë në kafene apo shëtitje iu bëj thirrje të bashkohen në këtë protestë nuk të jep gjë shëtitorja por një orë të ditës kushtojani të drejtave tuaja. Po ndodh lufta po pse pasojat duhet ti ndiejmë më shumë ne se vendet e tjera? Ne na kurseni fjalët e pista, por mos na kurseni bukën e gojës”, u shpreh ai.
