Futbolli jashtë fushës këtë javë është tërësisht i shqiptareve. Futbolli është më popullor për djemtë megjithatë shqiptarët po i krenojnë 3 vajza, edhe pse jo në fushën e lojës.
Rita Ora, Dua Lipa dhe Era Istrefi do të jenë zërat kryesorë që do të kumbojnë në evenimentet futbollistike më të rëndësishme të këtij momenti.
Era Istrefi do të këndojë himnin e FIFA World Cup në Rusi së bashku me Nicky Jam dhe Will Smith. Dua Lipa do të hapë finalen e Champions League në mbrëmjen e 26 majit, ndërsa Rita Ora është zyrtarisht një nga ambasadoret e “FIFA” për të ngritur lart figurën e femrave futbolliste.
