Një 41-vjeçar identiteti i të cilit nuk është bërë i ditur ka përfunduar në prangat e Policisë italiane pasi akuzohet se është kreu i një grupi të strukturuar kriminal që merret me trafikun e drogës.
Gjithashtu në pranga ranë dhe një grua bashkë me një burrë të cilët akuzohen si bashkëpunëtor të 41-vjeçarit iu merreshin me pastrimin e parave të pista që vinin nga trafiku i drogës. Në momentin e arrestimit ajo kishte me vete në makinë një shumë prej 79 mijë eurosh që Policia dyshon se ajo donte t’i kalonte për në Shqipëri.
Lidhur me ngjarjen policia italiane ka ngritur alarmin prej kohësh sa i përket trafikut të drogës dhe pastrimit të parave që kryhet nga shqiptarët. 7 vitet e fundit Prokuroria italiane ka thelluar hetimet dhe ka çuar para drejtësisë shumë shqiptare, ndërkohë që shprehet se bandat janë të “pangopura” dhe gjithmonë vërshojnë më shumë kokainë në rrugët e Modenas.
