“Kur ka parregullsi në nivelin më të ulët të komisionerëve, aty drejtësia është e shpejtë dhe efektive. Kur janë të përfshirë zyrtarë të lartë, si ministrat, SPAK-u e konsideron “patate të nxehtë” dhe ia kalon prokurorisë së rretheve. Dosja e Dibrës u katandis “kokoshi një thelë”. Nëse nuk ka ndëshkim të nivelit më të lartë të keqbërësit, atëherë është e kotë. Është drejtësi me dy standarde dhe SPAK-u është strukturë e ndrojtur ndaj krimeve zgjedhore”, deklaroi Dervishi.
Në lidhje me Aktivistin, Dervishi theksoi: “Dëmet e Aktivistit janë të pallogaritshme, në kuptimin e përpjekjes së manipulimit të algoritmeve dhe paraqitjes së një realiteti që nuk ekziston. Edhe këtu, ashtu si me patronazhistin, është e njëjta gjë. Denoncimi në SPAK është, por mungesa e kurajos së prokurorëve për të bërë pyetje për të kuptuar se sa të sigurta janë të dhënat e njerëzve, do të bëjë që puna e Aktivistit do të kthehet problem siç u kthye patronazhisti”.
