Gjykata e Apelit në Tiranë vendosi fillimin e hetimeve ndaj Autoritetit për Informim mbi dokumentet e ish Sigurimit të Shtetit, pas padisë së Ilir Metës kundër këtij institucioni.
Në kallëzimin drejtuar SPAK dhe prokurorisë së Tiranës, Meta kërkonte që të bëhet hetim i plotë, objektiv dhe i pavarur brenda një afati sa më të shpejtë.
“Në Gjykatën e Rrethit Gjyqësor Tiranë, është shqyrtuar çështja penale që i përket ankuesit Ilir Metaj, me objekt: Ankimin ndaj vendimit “Për mosfillimin e procedimit penal”, të Prokurorisë së Rrethit Gjyqësor Tiranë, në lidhje me kallëzimin penal paraqitur nga ankuesi, ndaj anëtarëve të Autoritetit për Informim mbi dokumentet e ish-Sigurimit të Shtetit, Tiranë. Gjykata e Rrethit Gjyqësor Tiranë me vendimin e datës 18.11.2022 ka vendosur: Shfuqizimin e vendimit “Për mosfillimin e proçedimit penal” të Prokurorisë së Rrethit Gjyqësor Tiranë, në lidhje me kallëzimin penal. Detyrimin e Prokurorisë së Rrethit Gjyqësor Tiranë të regjistrojë procedimin penal dhe të kryejë hetimet përshkruar në pjesën arsyetuese të këtij vendimi. Çështja në apel u shqyrtua mbi bazën e ankimit të bërë nga Prokuroria pranë Gjykatës së Shkallës së parë Tiranë, që kërkoi ndryshimin e vendimit të gjykatës dhe lënien në fuqi të vendimit mbi “Mosfillimin e procedimit penal”. Në përfundim të gjykimit në apel, sot më datë 01.06.2023 në dhomë këshillimi, Gjykata e Apelit të Juridiksionit të Përgjithshëm, vendosi: Lënien në fuqi të vendimit të Gjykatës së Rrethit Gjyqësor Tiranë,” thuhet në njoftimin e Apelit.
Muaj më parë Autoriteti i Dosjeve njoftoi se një politikan i nivelit të lartë rezultonte si ish-bashkëpunëtor i Sigurimit të Shtetit. Madje në atë kohë u botuan inicialet e politikanit I.M, duke shkaktuar një debat në politikën shqiptare. Rilindja e drejtuar nga Edi Rama shigjetoi Ilir Metën si politikanin që ndodhej në dosje, ndërsa ish-Presidenti iu drejtua prokurorisë duke kërkuar nisjen e hetimeve lidhur me rastin.
Gjykata e Apelit në Tiranë vendosi fillimin e hetimeve ndaj Autoritetit për Informim mbi dokumentet e ish Sigurimit të Shtetit, pas padisë së Ilir Metës kundër këtij institucioni.
Në kallëzimin drejtuar SPAK dhe prokurorisë së Tiranës, Meta kërkonte që të bëhet hetim i plotë, objektiv dhe i pavarur brenda një afati sa më të shpejtë.
“Në Gjykatën e Rrethit Gjyqësor Tiranë, është shqyrtuar çështja penale që i përket ankuesit Ilir Metaj, me objekt: Ankimin ndaj vendimit “Për mosfillimin e procedimit penal”, të Prokurorisë së Rrethit Gjyqësor Tiranë, në lidhje me kallëzimin penal paraqitur nga ankuesi, ndaj anëtarëve të Autoritetit për Informim mbi dokumentet e ish-Sigurimit të Shtetit, Tiranë. Gjykata e Rrethit Gjyqësor Tiranë me vendimin e datës 18.11.2022 ka vendosur: Shfuqizimin e vendimit “Për mosfillimin e proçedimit penal” të Prokurorisë së Rrethit Gjyqësor Tiranë, në lidhje me kallëzimin penal. Detyrimin e Prokurorisë së Rrethit Gjyqësor Tiranë të regjistrojë procedimin penal dhe të kryejë hetimet përshkruar në pjesën arsyetuese të këtij vendimi. Çështja në apel u shqyrtua mbi bazën e ankimit të bërë nga Prokuroria pranë Gjykatës së Shkallës së parë Tiranë, që kërkoi ndryshimin e vendimit të gjykatës dhe lënien në fuqi të vendimit mbi “Mosfillimin e procedimit penal”. Në përfundim të gjykimit në apel, sot më datë 01.06.2023 në dhomë këshillimi, Gjykata e Apelit të Juridiksionit të Përgjithshëm, vendosi: Lënien në fuqi të vendimit të Gjykatës së Rrethit Gjyqësor Tiranë,” thuhet në njoftimin e Apelit.
Muaj më parë Autoriteti i Dosjeve njoftoi se një politikan i nivelit të lartë rezultonte si ish-bashkëpunëtor i Sigurimit të Shtetit. Madje në atë kohë u botuan inicialet e politikanit I.M, duke shkaktuar një debat në politikën shqiptare. Rilindja e drejtuar nga Edi Rama shigjetoi Ilir Metën si politikanin që ndodhej në dosje, ndërsa ish-Presidenti iu drejtua prokurorisë duke kërkuar nisjen e hetimeve lidhur me rastin.
