Janë 2 miliardë Euro që Shqipëria rrezikon t’i humbasë nga gjyqet në Arbitrazhin Ndërkombëtar. Rreziqet financiare vijnë nga paditë që kompanitë e huaja kanë bërë kundër qeverisë. Kjo zbulohet përmes një dokumenti konfidencial që Ministria e Drejtësisë i ka dërguar kryeministrit Edi Rama.
Paditë që janë bërë nga kompanitë e huaja vijnë pas prishjes së kontratës në mënyrë të njëanshme nga Qeveria Shqiptare, pavarësisht se disa prej tyre janë miratuar nga Parlamenti. Fakt ky që ua lehtëson padinë dhe pozitat në gjyq.
Dokumenti, i cili mban datën 10 prill të këtij viti, zbulon se aktualisht në Arbitrazhin Ndërkombëtar po zhvillohen katër procese kundër Shqipërisë. “Vlera totale e dëmshpërblimit që kërkohet nga palët, vetëm për këto katër procese shkon mbi 2 miliardë euro” thuhet në shkresën konfidenciale që Ministria e Drejtësisë i dërgon Kryeministrit.
Dokumenti i Minsitrisë së Drejtësisë nisur Ramës
