INVESTIGIMI
Esmeralda Keta, Gazetare
Taulant Muka, MD, MPH, PhD- Mjek shkencetar
Pseudokademia dhe pazaret me titujt shkencorë në Mjekësi !
Kërkimi shkencor në vendin tonë prej kohësh është zhytur në krizë. Jo vetëm që ka debate për mungesën e punës shkencore, por ka dyshime të forta se një pjesë e madhe e botimeve shkencore që shërbejnë për të marrë tituj apo grada akademike, publikohen në revista të dyshimta, që funksionojnë vetëm si gjuetar të pagesave që bëjnë autorët.
Për të kuptuar se sa e lehtë është të botosh çfarëdolloj pune të ashtuquajtur shkencore dhe pa asnjë lloj niveli në një revistë të huaj shkencore, por që më pas të jep titullin akademik “profesor”, “profesor i asociuar”apo “doctor”, Dr Taulant Muka, mjek epidemiolog dhe akademik me mbi 50 publikime shkencore në revistat më prestigjoze të mjekësisë, në bashkpunim me gazetaren Esmeralda Keta ndërmorrëm një investigim në fushën e mjekësisë.
Siç shihet në raportin e paraqitur mbi publikimet e Universitetit të Mjekësisë, 4 revistat kryesore që janë të indeksuara në SCOPUS dhe ku publikojnë profesorët e mjekësisë janë 3 boshnjake dhe një maqedonase. Revista maqedonse në një investigim të “Science” në 2013 (http://science.sciencemag.org/content/342/6154/60/tab-figures-data ), u kap si revistë preditore, dhe për pasojë u la jashtë këtij investigimi meqënse ishtë provuar njëherë si revist pa standarte. Nga 3 revistat boshnjake, ne përzgjodhëm të investigonim vetëm “Medical Archives” meqënse ishte revista ku profesorët e mjekësisë publikonin më shumë dhe dy revistat e tjera boshnjake menaxhoheshin nga i njëjti/a individ/kompani. Gjithashtu, ne identifikuam disa revista të paindeksuara në SCOPUS në të cilat publikonin me shumicë profesorët e mjekësisë por edhe universitete të tjera, përfshirë ato private si dhe ku “testohen” politikat shëndetësore si “check-up”: dy revista të tilla janë Valley International dhe Merit Journals 
. Rastësisht, përzgjodhëm dhe 2 revista me faktor impakti dhe të indeksuar në Thomson Reuters; një revist ku kishin publikuar profesorët e mjekësisë (BONTAO) me qendër në Maqedoni dhe një revistë prestigjoze (Diabetologia) që publikohet nga Shoqata Europiane e Diabetit në të cilën profesorët e mjekësisë nuk kanë publikime.
Pra në përfundim, revistat të cilat përzgjodhëm të investigonim ishin: International Journal of Medical Science and Clinical Intervention (Valley International me qendër në Indi), Merit Research Journal of Medicine and Medical Sciences (me qendër në Indi), Medical Archives (me qendër ne Bosnje) dhe BANTAO Journal (me qendër në Maqedoni) si dhe revistën prestigjoze në fushën e diabetit, Diabetologia. Në të 5 revistat e përzgjedhura dërguam artikull shkencor mbi obezitetin dhe diabetin, me të dhëna të rreme dhe përfundime që nuk mbështeteshin nga të dhenat e paraqitura në artikull. Autorë te artikullit të rremë ishin dy gjyshet e Dr Muka, përkatesisht 81 dhe 86 vjeç. Të dyja gjyshet kanë përfunduar vetëm tre klasë shkollë secila.
Rezultatet ishin vërtetë befasuese. Tre revista kthyen përgjigje pozitive brenda javës së parë, e pranuan menjëherë punimin e rremë dhe kërkuan bërjen e pagesës që artikulli të mund të dilte on-line, që shkonte deri në 750 dollar. Njëra prej tyre u përgjigj se do të kalonte tek editori, pavarësisht se dërgimi i artikullit bëhej vetëm me email dhe jo në faqen zyrtare siç procedura standarte kërkon. Ndërsa revista prestigjoze e publikuar nga Organizata Europiane e Diabetit e refuzoi artikullin brenda 24 orëve.
Ne gjithashtu dërguam një email në “Mediterranean Journal of Social Science” per te pyetur nese artikulli jonë ishte brenda fushës së operimit të revistes dhe nëse mund ta dërgonim artikullin për publikim tek kjo revist. Kjo revist, siç tregohet në “Investigimin II” të paraqitur më poshtë, u përfshi në një skandali ndërkombëtar më 2015-ën. Pas 2015, kjo revist ndryshoi të gjithë mënyrën se si operonte duke filluar të aplikonte procedurat standarte; kjo revist ende nuk na ka kthyer një përgjigje. (Komuniki me të gjitha këto revista mund të shikohet në ketë material 
)
Bashkangjitur këtij artikulli 
, gjeni numrin e ri të boshnjakes “Medical Archives”, ku siç mund ta shikoni në listën e gjatë të studimeve që do të publikohen, në faqen 112 gjendet edhe punimi ynë i rremë, duke hedhur hije të forta dyshimi mbi vërtetësinë e titujve akademikë në vendin tonë. Gjithashtu, bashkangjitur këtij materiali, gjeni të njëjtin artikull të publikuar në Merit Journal
. Nëse një profesor i njohur shqiptar boton në të njëjtat revista, ku mund të botojnë edhe dy gjyshe me tre klasë shkollë, a kemi të drejtë të dyshojmë se këtu nuk bëhet fjalë për shkencë, por vetëm pazare?
Kjo skemë mashtrimi për të përftituar titujt shkencorë me punë të pavërteta, duket se nuk është një gjë e re për botën akademike shqiptare. Thuajse të gjithë akademikët që kontaktuam gjatë realizimit të këtij investigimi, ishin në dijeni të pazareve që bëhen nga një pjesë e profesorëve shqiptarë me këto revista grabitqare dhe aspak serioze.
INVESTIGIMI II
Botime të Universitetit të Tiranës në revista shkencore “fake”, a duhen rishikuar titujt akademik?
Cilësia e revistave shkencore ”open acces” prej vitesh është kthyer në një debat të madh në mbarë botën akademike. Kjo pasi një pjesë e madhe e tyre nuk aspirojnë më për cilësi, por vetëm për paratë që përfitohen nga tarifa e botimit. Ekziston edhe dhe një listë e zezë e këtyre revistave “grabitqare” që shfaqin skema të diskutueshme të marketingut, nuk ndjekin procedurat standarte të shqyrtimit të punimeve shkencore dhe nuk ofrojnë rigorozitet ose transparencë shkencore.
“Mediterranean Journal of Social Science”, siç shihet e nga raporti mbi publikimet e Universitetit të Tiranës, është revista kryesore ku publikojnë stafi akademik i Universitetit të Tiranës. Kjo revistë u vu në qendër të një skandali në Britaninë e Madhe më 2015-ën (linket me informacionin e plotë mbi këtë skandal mund të gjenden në fund të këtij artikulli), pasi kishte shërbyer si një trampolinë për qindra tituj shkencorë për profesorë nga Afrika. Pas shpërthimit të skandalit, kjo revistë u mbyll përkohësisht, dhe e mori nën administrim nje organizatë e njohur në fusëen akademike, duke forcuar rregullat se si ajo funksiononte.
Gjatë shpërthimit të skandalit të kësaj reviste, doli në dritë se “Mediterranean Journal of Social Science” e kishte filialin në Tiranë, dhe jo ne Itali siç pretendohej në faqen online te revistës. Kjo revistë pa standarde në atë kohë ishte shfrytëzuar më së miri nga profesorët shqiptarë të Universitetit të Tiranës. Nga hulumtimi në SCOPUS, rezultoi se për një periudhë 4 vjeçare, 2012-2015, profesorët shqiptarë kanë qënë shumë produktiv duke u shfaqur në këtë revistë me plot 149 punime (7 punime në 2012, 48 në 2013, 55 në 2014 dhe 39 publikime në vitin 2015). Akademikët që kanë numrin më të lartë të publikimeve në këtë revistë paraqiten në figurën e mëposhtme, ndërsa lista e plotë me akademikët nga Universitetit i Tiranës ( dhe i bashkautorëve të tjerë në këto artikuj) mund të gjendet në materialin bashkangjitur këtij shkrimi
.
Ndërsa pas skandalit në 2015 dhe ndryshimit të mënyrës së funksionimit të kësaj reviste dhe aplikimit rigoroz të shqyrtimit të një artikulli shkencor, asnjë autor shqiptar nuk ka mundur të botojë më në “Mediterranean Journal of Social Science”.
Publikimet shkencore të institucioneve akademike/kërkimore në Shqipëri: Metodologjia
Për të parë punën kërkimore të universiteteve/instituteve kërkimore shqiptare, ne kërkuam në databazën SCOPUS, e cila është vendosur si kriter për përzgjedhjen e revistave shkencore për marrjen e titujve akademik në VKM e re të nxjerrë për marrjen e titujve akademik në institucionet akademike shqiptare. SCOPUS është databaza më e madhe e abstrakteve dhe e citimeve të literaturës kërkimore ”peer-review” (procesi i dërgimit të një pune kërkimore dhe akademike në një shikim/ekzaminim kritik te studiuesit e tjerë që janë ekspert të fushës së studimit, përpara së puna të publikohet në një artikull, konferencë apo libër) e ndërtuar nga ELSEVIER. Termi ”publikim” në këtë databaz përfshin: artikuj origjinal, abstrakte në konferenca, përmbledhje të literaturës, kapitull libri/libër, letër editorit dhe komentar/korrigjime. Gjithashtu, siç shpjegohet më poshtë, për të identifikuar publikime shkencore të Universitetit të Mjekësisë, ne kërkuam përveç SCOPUS edhe në dy databazat më të mëdha bibliografike bio-mjekësore, Embase dhe Medline. Gjatë këtij studimi, ne raportojmë dhe faktorin e impaktit të disa prej revistave kryesore ku institucionet akademike publikojnë dhe H-index të disa prej autorëve. Faktori i impaktiti cili përdoret për të matur rëndësinë dhe për të rankuar revistat shkencore, është një matje e frekuencës mesatare të citimeve të një artikulli të publikuar në një revistë në një vit të caktuar. H-indexi propozuar nga Hirsch J.E et al. 2015 është një indeks për autorin që tenton të mas produktivitetin dhe impaktin nga citimet të artikujve të publikuar nga një studiues dhe/ose akademik. Sipas autorit, një H-index ≈ 12 mund të jetë një vlerë tipike për një akademik që aspiron për titullin profesor i asociuar, ndërsa një h ≈ 18 mund të jetë një vlerë tipike për një akademik që avancon drejt titullit profesor. Anëtarësimi në Akademinë Kombëtare të Shkencave të Shteteve të Bashkuara të Amerikës mund të jetë e lidhur me një H-index ≈ 45 ose më shumë. Siç mund të shihet edhe nga të dhënat e paraqitura në këtë raport, numri i publikimeve jo gjithmonë korrespondon me cilësinë e H-index. Kjo mund të ndodhë për disa arsye (si koha nga punimi i parë i publikuar etj), por një ndër arsyet kryesore është që edhe pse numri i publikimeve nga një autor është i lartë, publikimet kanë indeks të ulët citimi, dhe mund të jenë bërë në revista pa impakt ose impakt të ulët.
Universitetet dhe/ose institucionet kërkimore në Shqipëri që kanë publikime të indeksuara në SCOPUS
Në databazën SCOPUS, ne kërkuam pa limite kohore me afilimin ”Albania” (Shqipëri). Nga kërkimi rezultoi se vetëm Universitet publike kishin publikime, ndërsa universitet private nuk kishin asnjë publikim. Universiteti i Tiranës kishte numrin më të madh të publikimeve: 1204 në total, ndërsa po të hiqje publikimet nga Fakulteti i Mjekësisë që ishtë pjesë e Universitetit të Tiranës deri në 2013, numri total i publikimeve zbriste në 1028. Universiteti i Mjekësisë ndiqte listen (me afilimin Qëndra Spitalore Universitare Nënë Tereza dhe Fakulteti i Mjekësisë Universiteti i Tiranës) me 511 publikime, i ndjekur nga Universiteti i Politeknikut Tiranë me 470 publikime, Universiteti i Agrikulturës Tiranë me 361 publikime, dhe Akademia e Shkencave të Shqipërisë me 105 publikime. Instituti i Shëndetit Publik dhe Instituti i Kërkimit Veterinar në Shqipëri rezultojnë përkatësisht me 28 dhe 12 publikime. Universitetet e tjera publike dhe private që nuk gjenden në Tabelën 1 rezultojnë me asnjë publikim.
Në vazhdimësinë e këtij raporti, për të investiguar trendin dhe cilësinë e botimeve shkencore në Shqipëri u fokusuam te Universiteti i Tiranës dhe i Mjekësisë meqënse kishin numrin më të lartë të publikimeve.
| Tabela 1. Numri i artikujve shkencor të publikuar nga institucionet universitare/kërkimore në Shqipëri të indeksuar në SCOPUS | |
| Institucioni Universitar/Kërkimor | Numri i Publikimeve* |
| Universiteti i Tiranës | 1204/1028** |
| Universiteti i Mjekësisë, Tiranë | 511 |
| Universiteti i Politeknikut, Tiranë | 470 |
| Universiteti i Agrikulturës, Tiranë | 361 |
| Akademia e Shkencave të Shqipërisë | 105 |
| Instituti i Kërkimit Veterinar në Shqipëri | 12 |
| Universitetet e tjera | 0 |
*Termi ”publikim” në këtë databaz përfshin: artikuj origjinal, abstrakte në konferenca, përmbledhje të literaturës, kapitull libri/libër, letër editorit dhe komentar/korrigjime
**Numri 1028 rezulton kur nga Universiteti i Tiranës heqim publikimet nga fusha e mjekësisë.
Universiteti i Tiranës, publikimet sipas viteve, revistave, stafit akademik dhe rektorit/dekanit
Ne e limituam kërkimin tonë në databazën SCOPUS te Universiteti i Tiranës duke përjashtuar publikimet në fushën e mjekësisë meqënse Fakulteti i Mjekësisë u nda nga ky institucion në vitin 2013. Numri total i publikimeve rezulton 1028.
- Publikimet sipas viteve
Siç mund të shihet në Figurën 1dhe Tabelën 2, publikimi i parë i Universitetit të Tiranës i mbuluar nga databaza SCOPUS rezulton në vitin 1981. Prej vitit 2009 (numri i publikimeve =31) ka një rritje të numrit të publikimeve nga ky institucion duke arritur kulmin në vitet 2013, 2014 dhe 2015 me përkatësisht 136, 126 dhe 113 publikime. Pas vitit 2015, ka ulje të numrit të publikimeve nga Universiteti i Tiranës, duke zbritur ne 61 publikime në vitin 2017.
Figura 1. Numri i publikimeve të Universitetit të Tiranës sipas viteve
| Tabela 2. Numri i publikimeve të Universitetit të Tiranës sipas viteve | |
| Viti | Numri i Publikimeve* |
| 2018 | 20 |
| 2017 | 61 |
| 2016 | 96 |
| 2015 | 113 |
| 2014 | 126 |
| 2013 | 136 |
| 2012 | 83 |
| 2011 | 73 |
| 2010 | 59 |
| 2009 | 31 |
| 2008 | 26 |
| 2007 | 16 |
| 2006 | 17 |
| 2005 | 12 |
| 2004 | 12 |
| 2003 | 12 |
| 2002 | 17 |
| 2001 | 6 |
| 2000 | 14 |
| 1999 | 16 |
| 1998 | 10 |
| 1997 | 11 |
| 1996 | 21 |
| 1995 | 7 |
| 1994 | 4 |
| 1993 | 6 |
| 1992 | 8 |
| 1991 | 1 |
| 1990 | 3 |
| 1989 | 5 |
| 1988 | 1 |
| 1987 | 1 |
| 1986 | 0 |
| 1985 | 1 |
| 1984 | 1 |
| 1983 | 0 |
| 1982 | 0 |
| 1981 | 2 |
*Termi ”publikim” në këtë databaz përfshin: artikuj origjinal, abstrakte në konferenca, përmbledhje të literaturës, kapitull libri/libër, letër editorit dhe komentar/korrigjime
- Publikimet sipas revistave
Lista e plotë e revistave ku publikon Universiteti i Tiranës dhe numri i publikimeve sipas revistave gjendet në Apendiks 1. Siç tregohet në Tabelën 3, pesë revistat kryesore ku publikon Universiteti i Tiranës janë: “Mediterranean Journal of Social Sciences” me 149 publikime; “Journal of Environmental Protection and Ecology” me 86 publikime; “Aip Conference Proceedings” (e cila rezulton se indekson vetëm abstrakte të konferencave dhe jo publikime aritkujsh) me 37 publikime; “Asian Journal of Chemistry” me 24 publikime dhe “Acta Crystallographica Section a Foundations of Crystallography” me 21 publikime. Këto revista shkencore kanë të gjitha faktor impakti 0 (zero) siç vlerësohet nga Thomson Reuters.
| Tabela 3 Pesë revistat kryesore ku publikon Universiteti i Tiranës | ||
| Emri i Revistës | Numri i Publikimeve* | Faktori i impaktit |
| Mediterranean Journal Of Social Sciences | 149 | 0 |
| Journal of Environmental Protection and Ecology | 86 | 0 |
| Aip Conference Proceedings | 37 | 0 |
| Asian Journal Of Chemistry | 24 | 0 |
| Acta Crystallographica Section A Foundations Of Crystallography | 21 | 0 |
*Termi ”publikim” në këtë databaz përfshin: artikuj origjinal, abstrakte në konferenca, përmbledhje të literaturës, kapitull libri/libër, letër editorit dhe komentar/korrigjime
- Publikimet sipas stafit akademik dhe/ose studiuesit që ka përdorur afilimin e Universitetit të Tiranës
Apendiks 2paraqet listën e autorëve që kanë përdorur afilim Universitetin e Tiranës në publikimet e tyre. 96 autorë numërojnë 4 ose më shumë publikime. 76% e këtyre autorëve kanë një H-index nga 0 (zero) deri në 3 (tre). Pjesëtarët e stafit akademik të Universitetit të Tiranës që nuk gjenden në listën e paraqitur në Apendiks 2ka shumë mundësi të kenë nga 0 deri në 3 publikime të indeksuar në SCOPUS. Në Tabelën 4është lista me 10 autorët me afilim Universitetin e Tiranës që kanë publikuar më shumë si dhe H-index përkatës. Në vend të parë për sa i përket numrit të publikimeve është Ilirjan Malollari me 46 publikime, i ndjekur nga Pranvera Lazo me 41 publikime. Litsa mbyllet me Floran Vila me 15 publikime. Ndërsa në Tabelën 5 është lista me 10 autorët me afilim Universitetin e Tiranës që kanë H-index më të lartë. Lista udhëhiqet nga Besnik Baraj me H-index 10 dhe mbyllet me Flora Qarri me H-index 6.
| Tabela 4. Autorët me afilim Universitetin e Tiranës që kanë më shumë publikime dhe H-index përkatës. Periudha e kërkimit përfshin vitet 1981-2018 | ||
| Autori | Numri i Publikimeve* | H-Index** |
| Ilirjan Malollari | 46 | 4 |
| Pranvera Lazo | 41 | 7 |
| Alqi Çullaj | 23 | 7 |
| Drini Imami | 31 | 4 |
| Mimoza Hafizi | 20 | 3 |
| Flora Qarri | 17 | 6 |
| Kledi Xhaxhiu | 24 | 4 |
| Sajmir Beqiraj | 15 | 9 |
| Teuta Dilo | 16 | 4 |
| Bejo Duka | 19 | 5 |
| Floran Vila | 15 | 3 |
*Termi ”publikim” në këtë databazë përfshin: artikuj origjinal, abstrakte në konferenca, përmbledhje të literaturës, kapitull libri/libër, letër editorit dhe komentar/korrigjime
**H-index është marrë nga SCOPUS
| Tabela 5. Autorët me afilim Universitetin e Tiranës që kanë H-index më të lartë dhe numri i publikime përkatës. Periudha e kërkimit përfshin vitet 1981-2018 | ||
| Autori | Numri i Publikimeve* | H-Index** |
| Besnik Baraj | 24 | 10 |
| Sajmir Beqiraj | 15 | 9 |
| Fatbardha Babani | 20 | 9 |
| Mimoza Durresi | 48 | 9 |
| Nikolla Civici | 21 | 8 |
| Artan Boriçi | 27 | 8 |
| Kristaq Hila | 43 | 8 |
| Pranvera Lazo | 41 | 7 |
| Alqi Çullaj | 23 | 7 |
| Klodian Xhanari | 15 | 7 |
| Flora Qarri | 17 | 6 |
*Termi ”publikim” në këtë databazë përfshin: artikuj origjinal, abstrakte në konferenca, përmbledhje të literaturës, kapitull libri/libër, letër editorit dhe komentar/korrigjime
**H-index është marrë nga SCOPUS
- Publikimet sipas rektorit/dekanit
Numri i pubikimeve dhe H-index i rektorit dhe dekanëeve të Universitetit të Tiranës paraqitet ne Figurën 2dhe Apendiks 3. Numri i publikimeve varion nga 0 në 7, ndëra H-index nga 0 në 1.
Figure 2. Numri i pubikimeve dhe H-index i rektorit dhe dekanëve të Universitetit të Tiranës*
*Termi ”publikim” në këtë databazë përfshin: artikuj origjinal, abstrakte në konferenca, përmbledhje të literaturës, kapitull libri/libër, letër editorit dhe komentar/korrigjime. H-index është marrë nga SCOPUS
Universiteti i Mjekësisë, publikimet sipas viteve, revistave, stafit akademik dhe rektorit/dekanit
Për Universitetin e Mjekësisë ne ndoqëm dy metodologji të ndryshme për të parë produktin shkencor të këtij institucioni.
- Kërkimi në Embase dhe Medline
Meqënse Universiteti i Mjekësisë përfshin shkencat bio-mjekësore, ne kërkuam në databazat bibliografike më të mëdha të fushës së mjekësisë: Embase dhe Medline. Për këtë kërkim, përdorëm listën e profesorëve pjesëtar të këshillit të profesorëve të publikuar ne faqen zyrtare të Fakultetit të Mjekësisë në 04 Korrik 2017. Pasi hoqëm një profesor i cili nuk jeton më, mbetën 91 profesorë të cilët i përfshim në këtë studim dhe janë të indeksuar në Apendiks 4. Periudha e kërkimit në databazën Embase dhe Medline përfshin Janar 2010-Mars 2018. Ne e limituam kërkimin vetëm në revista shkencore (journals) dhe llojin e publikimit vetëm në artikull (origjinal), studim rasti (case study) dhe përmbledhje të literaturës (review). Detajet e kërkimit gjenden ne Apendiks 4. Numri total i publikimeve nga 91 profesorët rezulton 324 (nuk përjashtohet mundësia që të ketë duplikime).
- Publikimet sipas viteve
Grafiku i publikimeve sipas viteve jepet në Figurën 3. Siç mund të shihet nga figura ka patur një rritje të publikime gjatë vitit 2013-2015 dhe në vitet më pas ka një zbritje të numrit të publikimeve.
Figura 3. Publikimet e këshillit të profesorëve të Fakultetit të Mjekësisë gjatë vieteve 2010-2018
- Publikimet sipas revistave
Gjatë periudhës 2010-2018, 324 publikime ishin bërë nga këshilli i profesorëve të Fakultetit të Mjekësisë në 254 revista të cilat janë të listuara në Apendiks 5. Disa revista përsëriten më shumë se një herë për shkak të emrave të ndryshëm që mund ti gjesh në databaz, dhe disa publikime mund të rezultojnë në më shumë se një reviste. Për rrjedhojë, numri total i publikimeve nga të 234 revistat mund të rezultojë më i lartë se 324 publikime. Në Tabelën 6renditen 5 revistat ku këshilli i profesorëve ka publikuar më së shumti gjatë periudhës 2010-2018. Këto revista janë (Open Access) Macedonian Journal of Medical Sciences, Medical archives (Sarajevo, Bosnia and Herzegovina), Materia socio-medica, Journal of Medical Case Reports dhe Acta Informatica Medica. Tre revista publikohen në Bosnje, një në Maqedoni dhe një nga BioMed Central (BMC) me qendër në Angli. Tre revistat boshnjake menaxhohen nga i njëjti individ/kompani. Të pesë revistat kanë faktor impakti 0 (zero) dhe ofrojnë shërbimin “open access”. Në Tabelën 7është lista e këshillit të profesorëve të Fakultetit të Mjekësisë që kanë publikuar në 3 revistat boshnjake dhe revistën maqedonase (për shkak se Journal of Medical Case Reports publikon vetëm raste klinike që në vetvete nuk klasifikohen si artikuj të mirefillitë shkencor, nuk e përfshim në këtë kërkim).
| Tabela 6. Pesë revistat kryesore ku këshilli i profesorëve të Fakultetit të Mjekësisë ka publikuar më shumë gjatë periudhës 2010-2018 | |||
| Revista | Numri i Publikimeve | Shteti | Faktori i impaktit |
| (Open ACCess) Macedonian Journal of Medical Sciences | 35 | Maqedoni | 0 |
| Medical archives (Sarajevo, Bosnia and Herzegovina) | 28 | Bosnja dhe Hercegovina | 0 |
| Materia socio-medica | 19 | Bosnja dhe Hercegovina | 0 |
| Journal of Medical Case Reports | 7 | BioMed Central | 0 |
| Acta Informatica Medica | 6 | Bosnja dhe Hercegovina | 0 |
| Tabela 7. Publikimet e Këshillit të Profesorëve në katër revistat boshnjake dhe maqedonase* | |
| Këshilli i Profesorëve të Fakultetit të Mjekësisë | Numri i Publikimeve |
| Burazeri Genc | 20 |
| Roshi Enver | 18 |
| Refatllari Ali | 10 |
| Barbullushi Myftar | 9 |
| Idrizi Alma | 9 |
| Kruja Jera | 6 |
| Vyshka Gentian | 6 |
| Bara Petrit | 5 |
| Pulluqi Polikron | 5 |
| Zaimi Elizana | 4 |
| Qirjako Gentiana | 3 |
| Bimbashi Astrit | 3 |
| Goda Artan | 3 |
| Sula Hektor | 3 |
| Këlliçi Suela | 3 |
| Prifti Edvin | 3 |
| Petrela Mentor | 2 |
| Prifti Skerdi | 2 |
| Balla Idriz | 2 |
| Laku Anila | 2 |
| Lutaj Pajtim | 2 |
| Rrumbullaku Llukan | 2 |
| Dibra Arvin | 2 |
| Ivanaj Arben | 2 |
| Koraqi Andi | 2 |
| Sulçebe Genc | 2 |
| Vasili Ermira | 2 |
| Ylli Zamira | 2 |
| Gjata Margarita | 1 |
| Kaloshi Gentian | 1 |
| Kapisyzi Mira | 1 |
| Koroshi Alketa | 1 |
| Tase Mihal | 1 |
| Xhani Mustafa | 1 |
| Basha Jovan | 1 |
| Beqiri Arben | 1 |
| Çeliku Etmont | 1 |
| Draçini Xheladin | 1 |
| Gjata Arben | 1 |
| Hafizi Hasan | 1 |
| Bulo Anyla | 1 |
| Malaj Ledian | 1 |
| Sulaj Zihni | 1 |
| Tafaj Argjend | 1 |
| Muhametaj Afërdita | 0 |
| Alimehmeti Mehdi | 0 |
| Arapi Elisabeta | 0 |
| Baboçi Arben | 0 |
| Bala Silvana | 0 |
| Belba Gjergji | 0 |
| Boçari Gëzim | 0 |
| Çaushi Gjergji | 0 |
| Çeka Xheladin | 0 |
| Çomo Ariel | 0 |
| Cullufe Paskal | 0 |
| Dibra Alban | 0 |
| Fuga Linda | 0 |
| Gjeçi Suzana | 0 |
| Gliozheni Orion | 0 |
| Godo Anila | 0 |
| Harxhi Arjan | 0 |
| Hysa Bajram | 0 |
| Kaçani Nikollaq | 0 |
| Kajo Efrosina | 0 |
| Kakarriqi Eduard | 0 |
| Kallfa Eli | 0 |
| Kapisyzi Perlat | 0 |
| Karafili Luljeta | 0 |
| Kërçi Mihal | 0 |
| Kola Elmira | 0 |
| Kola Vuskan | 0 |
| Kraja Dhimitri | 0 |
| Lena Anila | 0 |
| Lezha Mimoza | 0 |
| Lito Gjerogjina | 0 |
| Loloçi Etleva | 0 |
| Manoku Nikita | 0 |
| Marku Ndoka | 0 |
| Mojsiu Rubena | 0 |
| Panariti Edmond | 0 |
| Papajani Vilma | 0 |
| Petrela Raida | 0 |
| Pipero Pëllumb | 0 |
| Priftanji Alfred | 0 |
| Serbo Luljeta | 0 |
| Toti Florian | 0 |
| Veveçka Edva | 0 |
| Veveçka Martina | 0 |
| Xhepa Rezart | 0 |
| Ylli Agron | 0 |
*Revistat përfshijnë (Open Access) Macedonian Journal of Medical Sciences, Medical archives (Sarajevo, Bosnia and Herzegovina), Materia socio-medica dhe Acta Informatica Medica
- Kërkimi në SCOPUS
Në SCOPUS, pa përdour asnjë limitim kohor, kërkuam me afilimin “University Hospital Centre Tirana” (Qendra Spitalore Universitare Nëne Tereza) dhe “University of Tirana Faculty of Medicine” (Fakulteti i Mjekësisë, Universiteti i Tiranës). Numri total i publikimeve rezulton 511.
- Publikimet sipas viteve
Siç mund të shihet në Figurën 4dhe Tabelën 8, publikimi i parë i këtij institucioni i mbuluar nga databaza SCOPUS rezulton në vitin 1985. Prej vitit 2009 (numri i publikimeve =15) ka një rritje të numrit të publikimeve nga ky institucion duke arritur kulmin në vitet 2014-2017 me rreth 61 publikime.
Figura 4. Numri i publikimeve të Universitetit të Mjekësisë sipas viteve*
*Termi ”publikim” në këtë databazë përfshin: artikuj origjinal, abstrakte në konferenca, përmbledhje të literaturës, kapitull libri/libër, letër editorit dhe komentar/korrigjime. H-index është marrë nga SCOPUS
| Tabela 8. Numri i publikimeve të Universitetit të Mjekësisë sipas viteve | |
| Viti | Numri i Publikimeve* |
| 2018 | 6 |
| 2017 | 61 |
| 2016 | 61 |
| 2015 | 59 |
| 2014 | 56 |
| 2013 | 37 |
| 2012 | 47 |
| 2011 | 33 |
| 2010 | 30 |
| 2009 | 15 |
| 2008 | 16 |
| 2007 | 13 |
| 2006 | 16 |
| 2005 | 8 |
| 2004 | 6 |
| 2003 | 7 |
| 2002 | 10 |
| 2001 | 1 |
| 2000 | 2 |
| 1999 | 7 |
| 1998 | 3 |
| 1997 | 4 |
| 1996 | 6 |
| 1995 | 1 |
| 1994 | 2 |
| 1993 | 0 |
| 1992 | 0 |
| 1991 | 0 |
| 1990 | 2 |
| 1989 | 0 |
| 1988 | 0 |
| 1987 | 0 |
| 1986 | 0 |
| 1985 | 2 |
*Termi ”publikim” në këtë databazë përfshin: artikuj origjinal, abstrakte në konferenca, përmbledhje të literaturës, kapitull libri/libër, letër editorit dhe komentar/korrigjime
- Publikimet sipas anëtarëve të këshillit të profesorëve të Fakultetit të Mjekësisë
Apendiks 6paraqet numrin e publikime dhe H-index te listës së pjesëtarëve të këshillit të proferëve të Fakultetit të Mjekësisë për periudhën 1985-2018. 18 (29%) profesorë nuk kishin asnjë publikim, ndërsa 12 (13%) profesorë numëronin 1-3 publikime. 20 (22%) profesorë kishin një H-index 0, 14 (15%) profesorë H-index 1, dhe 29 (32%) profesorë një H-index të barabartë me 3.
Në Tabelën 9është lista me 10 autorët që kanë publikuar më shumë si dhe H-indeksi përkatës. Në vend të parë për sa i përket numrit të publikimeve është Edvin Prifti me 106 publikime, i ndjekur nga Genc Burazeri me 87 publikime. Litsa mbyllet me Alma Idrizi me 27 publikime. Ndërsa në Tabelën 10është lista me 10 autorët që kanë H-index më të lartë. Lista udhëhiqet nga Alban Dibra me H-index 27 dhe mbyllet me Edmond Panariti me H-index 6.
| Tabela 9. Autorët anëtarë të këshillit të profesorëve të Fakultetit të Mjekësisë me më shumë publikime dhe H-index përkatës. Periudha e kërkimit përfshin vitet 1985-2018 | ||
| Autori | Numri i Publikimeve* | H-Index** |
| Prifti Edvin | 106 | 19 |
| Burazeri Genc | 87 | 13 |
| Dibra Alban | 45 | 27 |
| Kaloshi Gentian | 43 | 17 |
| Vyshka Gentian | 41 | 5 |
| Baboçi Arben | 34 | 4 |
| Malaj Ledian | 32 | 11 |
| Barbullushi Myftar | 31 | 5 |
| Petrela Mentor | 30 | 6 |
| Idrizi Alma | 27 | 4 |
*Termi ”publikim” në këtë databazë përfshin: artikuj origjinal, abstrakte në konferenca, përmbledhje të literaturës, kapitull libri/libër, letër editorit dhe komentar/korrigjime
**H-index është marrë nga SCOPUS
| Tabela 10. Autorët anëtar të këshillit të profesorëve të Fakultetit të Mjekësisë që kanë H-index më të lartë dhe numri i publikime përkatës. Periudha e kërkimit përfshin vitet 1985-2018 | ||
| Autori | Numri i Publikimeve* | H-Index** |
| Dibra Alban | 45 | 27 |
| Prifti Edvin | 106 | 19 |
| Kaloshi Gentian | 43 | 17 |
| Burazeri Genc | 87 | 13 |
| Priftanji Alfred | 17 | 13 |
| Malaj Ledian | 32 | 11 |
| Harxhi Arjan | 22 | 9 |
| Sulçebe Genc | 17 | 8 |
| Goda Artan | 14 | 7 |
| Petrela Mentor | 30 | 6 |
| Roshi Enver | 24 | 6 |
| Zaimi Elizana | 24 | 6 |
| Kraja Bledar | 18 | 6 |
| Panariti Edmond | 13 | 6 |
*Termi ”publikim” në këtë databazë përfshin: artikuj origjinal, abstrakte në konferenca, përmbledhje të literaturës, kapitull libri/libër, letër editorit dhe komentar/korrigjime
**H-index është marrë nga SCOPUS
- Publikimet sipas rektorit/dekanit
Numri i pubikimeve dhe H-index i rektorit dhe dekanëve të Universitetit të Mjekësisë paraqitet ne Figurën 5dhe Apendiks 7. Numri i publikimeve varion nga 0 në 15, ndëra H-index nga 0 në 3.
Figure 5. Numri i publikimeve dhe H-index i rektorit dhe dekanëve të Universitetit të Mjekësisë*
*Termi ”publikim” në këtë databazë përfshin: artikuj origjinal, abstrakte në konferenca, përmbledhje të literaturës, kapitull libri/libër, letër editorit dhe komentar/korrigjime. H-index është marrë nga SCOPUS.
