Shqetësimi im është që pas disa ditësh këto histori do harrohen, viktimat do treten dhe saga e krimit do vazhdojë ndër të gjallë e të vdekur
Ligjvënësja e PDIU-së Melsila Doda ka reaguar lidhur me rastet e fundit të krimit dhe dhunës në familje.
Në një status në Facebook Doda shprehet se kemi shkruar dhjetra apele, kemi kërkuar tryeza kombëtare e më përtej, kemi kërkuar të dhëna e hetime për të gjitha rastet e denoncuara, rezultati është ky që shohim sot.
Bashkë me krimet ngjethse vijon Doda sot u denoncua një rast në Vlorë ku një burrë kish hequr femijët nga nëna dhe përzënë këtë të fundit nga shtëpia. Askush nuk thotë një fjalë për këto viktima të mbetura gjallë, por ndërkohë vazhdojmë me tryeza të rrumbullakta.
Deputetja e PDIU-së i bën thirrje që retorika e ministrave të fokusohet tek këto probleme, por akoma më e rëndësishme të organizoje një hetim të vertetë për të gjitha rastet e krimeve në familje, si janë trajtuar dhe dënuar.
Doda shpreh shqetesimin se që pas disa ditësh këto histori do harrohen, viktimat do treten dhe saga e krimit do vazhdojë ndër të gjallë e të vdekur.
Postimi i plotë i Mesila Dodës në facebook:
“Sinqerisht nuk mund të shkruajmë më asnjë rresht për krimin në familje. Duket sikur bëjmë përsëritjen e vetvetes… nuk është çështje fb, është çështje e zbatimit të ligjit dhe vlerave të shoqërisë shqiptare.
Kemi shkruar dhjetra apele, kemi kërkuar tryeza kombëtare e më përtej, kemi kërkuar të dhëna e hetime për të gjitha rastet e denoncuara, rezultati është ky që shohim sot. Bashkë me krimet ngjethse sot u denoncua një rast në Vlorë ku një burrë kish hequr femijët nga nëna dhe përzënë këtë të fundit nga shtëpia. Askush nuk thotë një fjalë për këto viktima të mbetura gjallë, por ndërkohë vazhdojmë me tryeza të rrumbullakta.
Retorika e ministrave është shumë mirë që të fokusohet tek këto probleme, por akoma më e rëndësishme të organizoje një hetim të vertetë për të gjitha rastet e krimeve në familje, si janë trajtuar dhe dënuar. Shqetësimi im është që pas disa ditësh këto histori do harrohen, viktimat do treten dhe saga e krimit do vazhdojë ndër të gjallë e të vdekur. Ne ndërkohë prokuoria do ja hedh fajin gjykatës, gjykata ndërhyrje të politikës, politika do organizojë tryeza të rrumbullakta.”
