“Vodhe protokollin e bisedës së takimit të Metës me Albright. S’është hera e parë që vjedh. Gjërat që kanë një autor, duhet të mbeten me një autor”
Sjellja ma arrogancë e Ben Blushit, ndaj deputetes së PDIU-së Mesila Doda, ka marrë përgjigjen e menjëhershme nga ajo vetë. Mesila Doda është e gjendur përballë një sulmi joetik të deputetit socialist, i cili e akuzoi për një gabim protokolli të 17 viteve më parë. Duke u kthyer në atë kohë, Mesila Doda i është përgjigjur kështu Blushit: 
“Vodhe protokollin e bisedës së takimit të Metës me Albright. S’është hera e parë që vjedh. Gjërat që kanë një autor, duhet të mbeten me një autor. Unë s’kam bërë demagogji ndonjëherë. S’kam vjedhur dorëshkrimet e dikujt dhe nuk kam lozur me dëshirat e popullit. Kur janë bërë ndryshimet kushtetuese të 2008-ës unë s’kam votuar pro, keni votuar ju pro”, u shpreh Doda.
Ajo e quajti të turpshme terminologjinë e përdorur nga deputeti Blushi që e cilësoi PDIU-në parti “çingije”.
“Parti çingije? Turp që flet kështu. Kujdes kur flet për një forcë politike me një terminologji të caktuar. Ke 6 muaj që diskuton për atë që kemi sjellë ne në politikë. Je akoma shumë i ri që të flasësh dhe të mos i japësh autorësinë diçkaje që ka ardhur në Parlament. Duhet të mbash përgjegjësinë dhe të shikosh se e ardhmja është një fushë e madhe, ku secili nga ne ka mundësi të sjellë diçka në politikë”, deklaroi Mesila Doda.
