Pas deklarimit të Ralf Gjonit se do të votojë për shkarkimin e Ilir Metës, ka reaguar Ylli Manjani, i cili thotë se kjo ishte një lëvizje e pritshme, që prej kohëve kur pranoi mandatin e deputetit.
“Hahahahahahahahahaaha.. Asnjë surprizë nuk arrin të bëjë i gjori Ralf. Që në fillim e parashikuam se do marrë mandatin të shkarkojë Metën… Hahahahahahahahah…”, shkruante Manjani, batutë kjo që nuk i ka pëlqyer aspak Ralf Gjonit, i cili ka replikuar me të në koment.
Pjesë nga replikat:
Ralf Gjoni: Ylli Manjani ti duhet të kalosh përmes një procesi tërësor dezinfektimi përpara se të lakosh emrin tim në publik. Unë s’kam qënë ndonjëherë ministër e as nuk kam firmosur ndonjëherë për tendera. Unë po luftoj sot në Parlament që njerëz si ti të mos mbeten më në meshirën e Monikës nëse të bën apo jo deputet, por të mbeten në deshirën e njerëzve që meritojnë të votojnë të lirë, me lista të hapura.
Nëse kjo ty të bezdis, më vjen keq për ty. Ama mos harro se si ke ulëritur edhe ti bashkë me mua për ndryshimin e sistemit. Mos harro as grevën e urisë të Ilir Metës e të LSI kundër ndryshimeve të 2008. Kjo më ka bashkuar me të për vite me radhë e për atë kam luftuar në atë parti. Nëse ti dhe kushdo tjetër keni ndryshuar qëndrim, kjo është puna juaj. Une s’kam lëvizur asnjë presje nga qëndrimet e mia, që prej vitit 2009! Ndryshim sistemi, hapje listash, dhe atëherë hajde provojmë forcat në terren. Por s’ta mban as ty, e as kryetares tënde…
Ylli Manjani: Ralf Gjoni si fillim ti dhe lakejt ku po shërben i kërkuat me qiri ato tenderat po s’u doli asnjëri i imi. Ndaj mundohu të mos hash vetëm gazeta, se nuk të bëjnë mirë.
Së dyti, hallet e tua me LSI mund t’ia thuash atyre dhe jo mua, se nuk më rruhet!
Së treti, nuk kisha ndërmend të lakoja emrin tënd, por tani që ma shtive ndërmend po e lakoj dhe e di si më del? Lake… Lake që po na bëke çmos të rregullosh sistemin zgjedhor! O pika sistemit e zgjedhjeve që do u rregullokan nga ty! Po ku ke haber nga sistemi ti mor aman?!
Së katërti, ndryshimin e mendimit përpiqu ta shohësh tek vetja. Vetëm me pak ditë ndryshove nga nuk marr mandat tek e mora mandatin…
Së fundi, pirdhu megjithë atë terrenin tat, se hyre e dole kastravec. Nuk kuptove asgjë.
Sa për kryetarë, do të të duhet pak kohë të vish në nivelin tim të kritikës.
T’ja kalosh mirë aty ku ha pilaf !
