Presidenti i Republikës, Ilir Meta prej disa ditësh ndodhet në Sarajevë, ku ka zhvilluar një sërë takimesh të rëndësishme.
Së fundmi, Meta ka kryer disa homazhe tek varri i Alija Izetbegović, aktivisti i njohur botërisht i të drejtave të njeriut dhe ish President i Bosnjës dhe Hercegovinës.
Përkrah fotove të bëra publike në Facebook, Meta citon edhe një thënie të ish-presidentit me të cilën në njëfare mënyre i adresohet edhe klasës politike shqiptare.
“Nga jeta plot privacione dhe sakrifica, e këtij burri të madh shteti si Alija Izetbegović, mjafton dhe kjo trashëgimi që ka lënë, për ta nderuar sa herë vij në Sarajevë.
‘Do të sakrifikoja paqen për sovranitetin e Bosnje-Hercegovinës, po për paqen në Bosnje-Hercegovinë nuk do të sakrifikoja sovranitetin’. Alija Izetbegović”, shkruan Meta
