Që Ronela Hajati realizon projekte jo të zakonshme, kjo është pak por e sigurtë, po që do bënte një “Valle” që do mendoheshit dy herë para se ta kërceni në dasmën tuaj këtë nuk e prisnim. Kënga e re e përfaqësues së Shqipërisë në Eurovizion është pikërisht “Valle”, një projekt që ndërthur motivet tradicionale të këngëve shqiptare me ritmet që Ronela i dashuron, le t’i quajmë ritme që të bëjnë të kërcesh.
Ndërkohë dasma që shohim në videoklip, është krejtësisht “jo normale”, që nga veshja e zezë e nuses, Ronelës në këtë rast, e zeza e të ftuarve, kërcimet mbi tavolinë, twerk-u e shumë të tjera. Dasmat që duam! Nëse nuk do guxoni ta kërceni në dasmën tuaj, edhe pse mendojmë që mund të kthehet edhe në trend, ju kuptojmë, të paktën në club do mund ta performoni si duhet. Fundja, edhe vetë kënga i kushtohet shoqërisë, ku ka më bukur se një valle me shoqërinë.
