Kryeministri Edi Rama deklaroi në Forumin Strategjik të “Bled-it” në Slloveni se Shqipëria do të vazhdojë të jetë gjithmonë kundër Rusisë dhe do të reagojë ashpër ndaj saj. Ai Shqipëria nuk ia ka nevojën Rusisë pasi nuk ka nevojë për gazin rus. Sipas kryeministrit vendi ndodhet në kushte të tjera krahasuar me ato të vendeve të BE që janë të varur nga Rusia për energjinë.
“Shqipëria është shumë unike. Ne nuk kemi nevojën për gazin rus. Historia jonë ka qenë e tillë që ne nuk kemi asnjë lloj ndjesie kundrejt Rusisë. Në perandoritë sovjetike, monumenti i Stalinit u hoq me hijeshi në vitet 70, ndërsa ne e mbajtën edhe pas rënies së murit të Berlinit. Prodhimi ynë i energjisë është në bazë ujore. Kemi marrë një vendim kurajozë të mos prekur çmimet për familjarët dhe bizneset e vogla. Ne po e mbulojmë plotësisht këtë diferencë që është e rëndësishme për buxhetin shqiptar. Ne ia kemi dalë”, tha Rama.
Duke folur për luftën në Ukrainë, kryeministri nuk hezitoi t’i përmendë BE çështjen e vaksinave kundër Covid, që sipas Ramës vendet jo anëtare u lanë në harresë.
