Djali i ish-ministrit socialist dhe profesorit të njohur Luan Hajdaragës, Ervin Hajdaragës ka deklaruar se shumë shpejt do t’i futet politikës.
I ftuar mëngjesin e sotëm në emisionin “ABC e Mëngjesit” në rolin e psikologut, ai u shpreh se në Shqipëri duhet të krijohet një kah politik i mesëm, pasi në këtë mënyrë edhe faktori i Covid-19 është konsideruar si konspiracion.
Hajdaraga: Zgjodha psikologjinë se ka qenë diçka e shtyrë, edhe diçka që kam dashur vetë. Kur më pyesnin në gjimnaz se çfarë do vazhdoje, gjithmonë thosha psikologjinë. Qejf kisha që im atë kishte mbaruar si psikolog dhe ka qenë një nga psikologët e parë në Shqipëri.
Moderatori: Po politikanë do bëhesh?
Hajdaraga: Shpresoj.
Moderatori: Në çfarë krahu?
Hajdaraga: Krahu i mesëm.
Moderatori: S’ka krah të mesëm në Shqipëri. Jemi popull shumë ekstremist, o majtas o djathtas.
Hajdaraga: Do mundohemi pak sepse këto punët e krahëve na kanë bërë që të konsiderojmë edhe këtë faktorin e Covidit si konspiracion, o një kah o tjetri se një vijë të mesme nuk ka. Kështu që do të gjejmë një vijë të mesme./abcnews.al
