Në Ditën Ndërkombëtare të të Drejtave të Njeriut, faktorët politik të zgjdhjes së Çështjes Çame, PDIU dhe Shoqata “Çamëria” premtojnë se nuk do të ndalen derisa kjo padrejtësi të gjejë zgjidhjen e plotë dhe finale.
Më tej deklarata e PDIU-së dhe Shoqatës “Çamëria”:
Sot, në Ditën Ndërkombëtare të të Drejtave të Njeriut, Çështja Çame përbën ende një plagë të historisë sonë kombëtare, por edhe të drejtave universale të njeriut. PDIU dhe Shoqata “Çamëria” vlerësojnë kontributin e viteve të fundit të aktorëve të shoqërisë shqiptare, që i kanë dhënë zë ndërkombëtar kësaj çështjeje, si shprehje e vullnetit të çdo shqiptari.
Trysnia pozitive e Shoqatës “Çamëria” dhe PDIU-së do të vijojë deri në zgjidhjen përfundimtare të Çështjes Çame, e cila është kthimi i shqiptarëve të Çamërisë në vatrat e tyre, me të gjitha të drejtat etnike e qytetare që u takojnë. Ne besojmë tek drejtësia europiane e institucionet e saj. Është e paparanueshme që sot e kësaj dite mbi anëtarët e komunitetit çam vazhdojnë pasojat e genocidit duke bërë shkelje flagrante të të drejtave të njeriut, siç është lëvizja e lirë (pengimi i të moshuarëve), mosgëzimi i pronës dhe kthimit në atdhe.
