Ndonëse sot mund të jetë dita e fundit e tij si kryeministër i Kosovës, Albin Kurti ka thënë se po ndihet shumë mirë.
Në një prononcim të shkurtër për Klan Kosovën ndërsa po dilte nga banesa e tij, Kurti tha se po shkon në mbledhjen e qeverisë ku do të merren disa vendime të rëndësishme.
“Shumë mirë. Në ora 10:00 kemi një mbledhje të qeverisë ku do të marrim disa vendime të rëndësishme. Vendimi i parë që do ta nënshkruaj menjëherë është ai për ndihmën nga 30,000 euro dy familjeve të minatorëve që humbën jetën fatkeqësisht në Minierën e Artanës”.
Kurti nuk ka treguar nëse pret që Kosova të ketë qeveri të re sot, derisa ka vazhduar drejt ndërtesës së Qeverisë për mbledhjen – që mund të jetë e fundit – e drejtuar nga ai.
