Dita Botërore e Lirisë së Shtypit/ Ambasada Amerikane: Liria e mediave përmirëson qëndrueshmërinë sociale, politike dhe ekonomike

Ambasada e SHBA në Tiranë ditën e sotme ka kujtuar Ditën Botërore të Lirisë së Shtypit duke theksuar lirinë dhe paanshmërinë e mediave.
Ambasada Amerikane nëpërmjet një postimi në rrjetet sociale shkruan se “Dita Botërore e Lirisë së Shtypit 2020 përkrah veprime që nxisin gazetarinë e pavarur”.
Postimi i plotë:
Dita Botërore e Lirisë së Shtypit 2020 përkrah veprime që nxisin gazetarinë e pavarur. Përse? Një shtyp i lirë dhe i paanshëm ngre pyetje dhe kërkon përgjigje në emër të shoqërisë. Media informon publikun dhe ndihmon në përhapjen e ideve, gjë e cila përmirëson qëndrueshmërinë sociale, politike dhe ekonomike.