Prej 4 orësh e gjithë zona e Unazës së Re nga Astiri e deri në Yzberisht vuajnë mungesën e energjisë elektrike.
Shkak i ndërprerjes së rrymës janë bërë punimet e ujësjellësit të Tiranës, të cilët kanë dëmtuar dy fidra pranë zonës së Unazës së Re.
OSHEE shpreh shqetësimin e përsëritur për papërgjegjshmërinë e treguar në kryerjen e punimeve civile nga ana e ujësjellesit pa respektuar normat teknike inxhinierike.
Aktualisht OSHEE është duke punuar në disa fronte ku është shfaqur defekti në dy fidra të rëndësishëm.
