KQZ përmes një deklarate për shtyp akuzon partitë politike se po pengojnë shpërndarjen e bazës materiale për procesin e votimit që do të jetë nesër në Dibër.
Përmes zëdhënëses KQZ shprehu shqetësimin për shpërndarjen e bazës materiale zgjedhore deri tani nga KZAZ nr 19 për çdo qendër votimi.
Drilona Hoxha: “Shpërndarja e bazës materiale po ecën me ritme shumë të ngadalta deri tani është shpërndarë vetëm për 17 QV nga 118 në total. Shkak për këtë problematikë është bërë mosdërgimi i komisionerëve të QV nga partitë politike, pranë KZAZ për të marrë në dorëzim materiale zgjedhore që do të përdoren gjatë ditës së nesërme. Deri tani asnjë nga komisionerët e QV në Maqellarë e Peshkopi nuk kanë shkuar për të marrë në dorëzim bazën materiale zgjedhore.
Afati përfundimtar i dorëzimit të bazës materiale nga KZAZ për çdo QV është ora 16:00, (Jo më vonë se 15 orë para hapjes së QV)
“Me ritmet e sipërcituara, duke marrë në konsideratë dhe zonat e largëta, ky afat kohor nuk arrin të respektohet dhe për më tepër do të ndikojë në të gjitha procedurat e tjera” thotë KQZ
Thirrja e KQZ: Partite te dergojne ne menyre urgjente komisioneret
“Partitë politike po bëhen pengesë për shpërndarjen e bazës materiale zgjedhore duke mos dërguar komisionerët e zgjedhur prej tyre për të marrë në dorëzim materialet zgjedhore ndaj KQZ i bën apel partive të respektojnë Kodin Zgjedhor dhe në mënyrë urgjente të dërgojnë komisionet e QV të tërheqin bazën materiale zgjedhore pasi në të kundërt do tu shpërndahen komisionerëve të QV që do të jenë pranë KZAZ për respektimin e këtij detyrimi ligjor”
