Një 33-vjeçar është vënë në prangat e Policisë së Fierit pasi akuzohet për vepra të rënda penale, si “shkaktim i vetëvrasjes” dhe “ngacmim seksual”.
Sipas njoftimit të policisë shtetasi N. D. ka dhunuar bashkëjetuesen e tij, duke u çuar në tentativë vetëvrasje.
Nga hetimet, ka rezultuar se ky shtetas ka tentuar të ngacmojë seksualisht edhe vajzën e bashkëjetueses së tij.
Njoftimi i policisë së Vlorës:
Policia ka vënë në pranga 33 vjeçarin N. D., banues në Fier për veprat penale ‘Shkaktimi i vetëvrasjes’ dhe ‘Ngacmimi seksual’.
Seksioni i Hetimit të Krimit pranë Komisariatit të Policisë Vlorë, ka bërë arrestimin e këtij shtetasi pasi ditën e djeshme në banesë në lagjen ‘Osman Haxhiu’ Vlorë, 33 vjeçari ka ushtruar dhunë verbale ndaj bashkëjetuesen e tij me qëllim nxitjen e vetëvrasjes.
Nga hetimet e mëtejshme në lidhje me 33 vjeçarin ka rezultuar se po ky shtetas ka tentuar të ngacmojë seksualisht vajzën e bashkëjetueses së tij.
Materialet i kaluan Prokurorisë pranë Gjykatës së Shkallës së Parë Vlorë për veprime të mëtejshme.
