Presidenti Ilir Meta ku ndodhet në një vizitë zyrtare në Francë, ka reaguar për dhunën e ushtruar ndaj banorëve në zonë e Astirit nga policia, duke e cilësuar si të papranueshme.
Përmes një postimi në Facebook, Meta shkruan se “arroganca përballë mjerimit dhe traumës që po u shkaktohet këtyre familjeve për muaj të tërë është e patolerueshme.”
Postimi i plotë
E papranueshme dhuna e përsëritur sot ndaj banorëve të Unazës së Re, të cilët protestojnë në mbrojtje të shtëpive dhe të pronave të tyre. Arroganca përballë mjerimit dhe traumës që po u shkaktohet këtyre familjeve për muaj të tërë është e patolerueshme. Banorët të ruajnë qetësinë dhe të mos bien pre e provokimeve dhe palët të ulen menjëherë në dialog. U uroj shërim të shpejtë të gjithë të plagosurve.
