Ministri i Brendshëm, Sandër Lleshaj ka reaguar lidhur me rastin e
Sekretarit Organizativ të PD, Sahit Dollapi, i arrestuar dhe dhunuar nga policia mbrëmë në
protestën e opozitës.
Në një konferencë për shtyp, Lleshaj ka komentuar incidentin dhe tha se ky rast duhej të ishte menaxhuar më mirë dhe ndryshe
nga policia.
“Do kishte qenë mirë që ata punonjës policie që u angazhuan në ndalimin e një prej
organizatorëve të kishin bërë dicka ndryshe. Mirë do të ishte që siç duruan në mënyrë stoike, për
orë të tëra nën zjarr të kishin menaxhuar ndryshe vetëm pak sekonda gjatë ndalimit personit në
fjalë, ndonëse në kushtet e kundërshtim. Por episodi nuk mund të justifikojë histerinë e zjarrit real
dhe verbal që u derdh mbi institucionet dhe policinë”, tha ministri.
