Ish-deputeti i PD Agron Shehaj, ditën e sotme duke iu referuar të dhënave që ka publikuar Dhoma Europiane, shkruan se Shqipëria është një nga tri vendet më të vështira për të bërë biznes në Europë.
“EuCham (Dhoma Europiane) konfirmon atë që e di çdo sipërmarrës dhe investitor i huaj ose shqiptar: Shqipëria është një nga tri vendet më të vështira për të bërë biznes në Europë.”, shkruan ish deputeti.
Sipas tij në Shqipëri mund të bëjnë biznes vetëm ata që janë të lidhur me qeverinë.
“Në Shqipëri mund të bëjnë biznes vetëm ata që janë të lidhur me qeverinë. Shqiptarët punëtorë, të talentuar, të ndershëm dhe me kurajo për të rrezikuar nuk kanë asnjë mundësi sepse i ndëshkon dhe i mbyt korrupsioni dhe klientelizmi politik. Luksi i politikanëve dhe biznesmenëve të lidhur me ta, është varfëria e shqiptarëve”, e mbyll statusin e tij Shehaj .
