Albana Vokshi, deputetja e zgjedhur e Partisë Demokratike, ka reaguar përmes një deklarate për media në lidhje me dhënien e lejes nga ana e Këshillit Kombëtar i Territorit, për ndërtimin e Teatrit të Ri kombëtar në vendin ku ishte ai ekzistues.
Vokshi thekson se dhënia e lejes nga KKT përbën një formë presioni ndaj Gjykatës Kushtetuese, e cila pritet së shpejti të jap vendimin mbi çështjen e teatrit.
Gjithashtu ajo e cilëson këtë vendim si një akt të arbitraritetit, dhunimit të ligjit, gjykatave dhe interesit publik, që dëshmon se masakra zgjedhore e 25 Prillit nuk zgjidhi asgjë pë shqiptarët.
Deklarata e plotë: Pasi shembën barbarisht Teatrin, po shembin shtetin e të drejtës. Vendimi i KKT është presion mbi Gjykatën Kushtetuese
Në fillim thanë se teatri duhej bërë me PPP dhe kulla sepse nuk kishin para. Mashtruan!
Sot thonë se teatri do bëhet duke shtuar borxhin publik, pa kulla. Mashtrojnë!
Pasi shembën barbarisht dhe në shkelje totale të çdo norme e ligji godinën historike, sot po shembin shtetin e së drejtës dhe po ushtrojnë prsion mbi vendimmarrjen e Gjykatës Kushtetuese, duke vendosur fillimin e punimeve për të ashtuquajturin Teatri i Ri.
Veliaj thotë 0 Kulla, por nxitimi për të filluar punimet zbulon qartë që interesi i regjimit Rama-Doshi nuk është arti, as kuktura, as Teatri, por vetëm fitimet marramendëse nga projekti korruptiv i kullave që do të shërbejnë si lavatriçe e parave të pista të krimit e korrupsionit.
Vendimi i sotëm është një tjetër akt i arbitraritetit, dhunimit të ligjit, gjykatave dhe interesit publik, që dëshmon se masakra zgjedhore e 25 Prillit nuk zgjidhi asgjë për shqiptarët.
PD do të jetë deri në fund në krah të betejës së Aleancës për Teatrin dhe qytetarëve shqiptarë për rikthimin e legjitimitetit dhe demokracisë në vend.
