“Baykar Makina” e Turqisë nuk ka furnizuar dhe nuk do t’i furnizojë kurrë produktet e Rusisë, pasi ajo mbështet sovranitetin e Ukrainës dhe luftën e saj për pavarësi.
Këtë e ka konfirmuar CEO i Baykar Makina dhe njëkohësisht dhëndri i presidentit turk Rexhep Taip Erdogan, Haluk Bayraktar, në një koment për CNN.
“Turqia dhe Ukraina kanë një nivel strategjik marrëdhëniesh, veçanërisht në fushën e hapësirës ajrore dhe të mbrojtjes. Këto janë vite përpjekjesh. Turqia po mbështet Ukrainën me teknologjinë e dronëve të armatosur. Ne gjithashtu blejmë motorë për dronë nga Ukraina. Ne kemi ndërtuar marrëdhënie me Ukrainën bazuar në një parim fitues, i cili u jep avantazhe të dyja vendeve. Dhe në këtë drejtim, ne e mbështesim qartë Ukrainën“, tha Bayraktar.
Kur u pyet për mundësinë e furnizimit të produkteve Baykar Makina në Rusi, ai tha se kjo nuk do të ndodhte kurrë.
“Ne nuk i kemi dorëzuar apo furnizuar atyre me asgjë dhe nuk do ta bëjmë kurrë një gjë të tillë. Ne mbështesim Ukrainën, mbështesim sovranitetin e saj, mbështesim rezistencën e saj për pavarësinë e saj,” tha Bayraktar.
