Ambasadori i BE në në Shqipëri, Luigi Soreca është takuar sot me ministrin e Drejtësisë, Ulsi Manja.
Në një postim në rrjetet sociale, Soreca ka ndarë përshtypjet e tij të jashtëzakonshme prej këtij takimi historik.
“Sot takova ministrin e sapoemëruar të Drejtësisë, z. Ulsi Manja. Reforma në Drejtësi duhet të konsolidohet tani, dhe efikasiteti i gjykatave dhe pavarësia e magjistratëve janë qëllimet kryesore. Ne diskutuam rolin e institucioneve të verifikimit dhe të Shkollës së Magjistraturës, si dhe punën e vazhdueshme në hartën gjyqësore. Reforma e sistemit të drejtësisë vazhdon me mbështetjen e Bashkimit Evropian”,- shkruan Soreca.
