SHÇBA nis verifikim për disa punonjës polici të cilët dyshohet se kanë dështuar 13 operacione për arrestimin e ish-kryebashkiakut socialist të Vorës.
Pavarësisht se ndodhet në arrati Kajmaku ka apeluar masën e sigurisë “arrest me burg”.
Masa “arrest me burg” për Kajmakun është dhënë në mungesë, ish- kryebashkiaku u shpall në kerkim pak ditë më parë.
Ndërkohë mësohet se nënkryetarit të bashkisë së Vorës, Gentian Picarit, i është sekuestruar telefoni pak ditë më parë.
Kajmaku eshte vënë nën hetim nga Prokuroria e Tiranës për 3 akuza dhe tashmë ndaj tij ka edhe një masë sigurie “Arrest në burg” në mungesë.
Akuza që rëndon mbi Kajmakun është ajo e shpërdorimit të detyrës, falsifikimit të formularëve, dhe ushtrimit të funksioneve pas dhënies fund të detyrës.
