Ekspertët e opozitës vazhdojnë punën bashkë me ata të mazhorancës
Përfaqësuesit politik të Partisë Demokratike kanë bojkotuar komisionin e Reformës në Drejtësi, në kuadër të vendimit për të bojkotuar aktivitetin parlamentar për dhjetë ditë. Përfaqqësuesi i PD-së në Komisioni e Reformës në Drejtësi, Eduard Halimi, akuzoi Kryeministrin se nuk mund të bëjë reformë në drejtësi sa kohë bën avokatin e Emiljano Shullazit.
Nënkryetari i Komisionit, Eduard Halimi, tha se reforma në drejtësi do të bëhet, por jo sipas projektit të Ramës. Përkundër vendimit politik të grupit parlamentar të PD, Halimi bëri me dije se puna e ekspertëve të kësaj partie do të vijojë edhe përgjatë kësaj jave sëbashku me ekspertët ndërkombëtarë për të përpunuar draftin e amendamenteve kushtetuese dhe draftin e ligjeve të tjera që kanë të bëjnë me komponentin antikorrupsion.
