Pas denoncimit të oficerit të policisë Emiljano Nuhu se është kërcënuar me armë për të mbyllur dosjen e djalit të deputetit të PS-së, Rrahman Rrahja, i akuzuar për përdhunimin e Xhensila Malokut, opozita vihet në lëvizje.
Zyra e Shtypit të PD bën me dije se kreu i kësaj force politike Lulzim Basha do të ketë një deklaratë nga selia e PD në orën 19:00 për këtë çështje.
Oficeri i policisë në Fushë Krujë, Emiljano Nuhu u kërcënua në prani të deputetit Taulant Balla. Ai ka treguar gjithashtu edhe se vëllai i deputetit i ka vënë pistoletën në kokë, ndërsa deputeti Taulant Balla i ka thënë me ironi: Hiqe pistoletën nga koka se oficeri është djalë i mirë dhe gjithçka që ka ndodhur do të mbesë këtu.
Ndërkohë kreu i grupit parlamentar të PS, Taulant Balla reagoi pas këtij denoncimi duke thënë se do të kallëzojë PD për shpifje.
