Ish-kryeministri Sali Berisha nuk i kursyer as sot kritikat ndaj Edi Ramës. Këtë herë në fjalën e tij në Kuvend, Berisha ka përmendur incidentin që kryeministri pati ditën e djeshme me gazetarin Klevi Muka, i cili si duket e vuri në siklet Ramën dhe ky i fundit iu përgjigje me ironi dhe arrogancë. Për këtë përgjigje që Rama i dha gazetarit ka reaguar sot Berisha, ai thotë se e dënon sjelljen arrogante të kryeministrit ndaj gazetarit, duke iu shprehu me ironi se shprehjen që Rama përdori në konferencë gjyshja ja thoshte, kur i fundit e tepronte me sjelljet e tij. Pasi, sipas Berishës, që fëmijë Rama ka qenë i tillë arrogant dhe pa etikë.
“Dënoj qëndrimin e Ramës ndaj gazetarit, budallëqet e fëmijërisë tënde, ato që të ka thënë gjyshja kur ia sillje shpirtin në majë të hundës mos ua kalo më gazetarëve. Të thoshte gjyshja se ti i atillë ishe. Ç’kusur ka gazetari të dëgjojë ç’të ka thënë gjyshja ty?”, tha Berisha.
Ndërsa kujtojmë se shumë figura të tjerë e kanë dënuar përgjigjen e Ramës, ndërsa nuk është hera e parë që ai kritikohet për sjelljet aspak të këndshme ndaj gazetarëve.
