Një shqiptar, i cili u kap me 18 kilogramë kokainë, është dënuar me gjashtë vite e gjysmë burg nga Gjykata e Bon në Gjermani
Shqiptari 37-vjeçar po udhëtonte nga Amsterdami për në Itali, kur u kap nga policia gjermane.
Policia nuk po e gjente drogën fillimisht prandaj ndërhyri qenushja nuhatëse, Ula. Ajo zbuloi 18 kg kokainë të fshehur në vende të ndryshme në makinë. Po ashtu u gjetën edhe 2 mijë euro.
37-vjeçari shqiptar, baba dhe jurist, tha se kishte probleme financiare dhe borxhe, prandaj kishte bërë udhëtimin si korrier droge.
“Ky ishte gabimi më i madh i jetës sime,” tha 37-vjeçari në gjyq.
