Në Komisionin Qendror të Zgjedhjeve tre anëtarët e djathtë janë larguar nga mbledhja teksa po kryhej votimi për të shqyrtuar dosjet në kuadër të ligjit të dekriminalizimit.
Opozita kërkoi që të ndahen më vete diskutimet për kryebashkiakët Tërmet Peçi dhe Adriatik Zotkaj, por kjo nuk u pranua nga pjesa tjetër e anëtarëve.
Më herët, KQZ ka vendosur që të verifikojë rast pas rasti të 13-t në lidhje me formularin e deklarimit në kuadër të ligjit të dekriminalizimit.
KQZ bën me dije se riverifikimi bëhet për shkak se nuk kanë deklaruar të dhëna në një nga rubrikat e formularit të vetëdeklarimit.
Verifikimet do të bëhen për deputetët: Sali Berisha, Spartak Braho, Vangjel Dule, Vladimir Kosta, Arben Ristani, Artan Gaci, Asllan Dogjani, Florion Mima, Xhemal Qefalia, Ylli Shehu, Gjovalin Bzheta, Myqerem Tafaj, Eduard Halimi.
