Aleksandër Biberaj, ish-deputeti i PD-së shpreh shqetësimin se që nga viti 2017, socialistët qeverisin të vetëm dhe sidomos që nga 2019-ës, që i kanë të gjitha pushtetet, janë bërë parti-shtet si në monizëm.
Biberaj paralajmëron për “Gazeta Shqiptare”, se do të ketë edhe shumë të tjerë, gjë që do të çojë automatikisht dhe shumë shpejt në përsëritjen e zgjedhjeve lokale në të 61 bashkitë që ka vendi.
“Me gjithë rezistencën e rilindjes dhe ndonëse në mënyrë të ngadaltë, por ky ligj po jep rezultatet e veta, pasi janë disa deputetë dhe kryetarë bashkish që kanë lënë mandatet si pasojë e këtij ligji. Siç e përmendi edhe ju në pyetjen tuaj, vetëm pas farsës së 30 qershorit janë 6 kryetarë të vetëshpallur të bashkive të rilindjes, që kanë pasur të shkuar kriminale, ndërkohë që do të ketë edhe shumë të tjerë, gjë që do të çojë automatikisht dhe shumë shpejt në përsëritjen e zgjedhjeve lokale në të 61 bashkitë që ka vendi”, u shpreh Biberaj
