Ish-ministri i Drejtësisë, Ylli Manjani ka reaguar pas konferencës së sotme të kryeministrit Rama para gazetarëve.
Manjani i kujton kryeministrit Rama se si në vitin 2007 e detyroi qeverinë dhe ndërkombëtarët të pranonin shtyrjen e zgjedhjeve përtej afatit kushtetues.
“S’ka mundësi Kushtetuese?! Ou?! Po në 2007-ën, kur Ai nuk hynte në zgjedhje, si u gjet rruga Kushtetuese që u shtynë zgjedhjet?!”,- shkruan Ylli Manjani, në një reagim në Facebook.
Në deklaratat e sotme, Rama u shpreh se nuk ka asnjë hapësirë për negociata me opozitën, pasi ai si drejtues i mazhorancës nuk mund të shkel Kushtetutën.
Kujtojmë se në vitin 2007 zgjedhjet vendore të dekretuara nga Presidentit u shtyn me kërkesën e opozitës, vetëm sepse Partia Socialiste nuk pranonte të hynte në zgjedhje, për shkak të pretendimeve për certifikatat që lëshonin zyrat e gjendjes civile.
