Deputeti socialist Ben Blushi, është përbalur me akuzat e kolegëve të tij soicliast. Një debat mjaft të ashpër e pati sot Blushi me ministrin e brendshëm Saimir Tahiri. “Sipas meje ti nuk je më socialist” i tha Tahiri, Blushit . Ky reagim erdhi pasi Blushi deklaroi nga foltorja se nuk ishte socialist pasi PS-ja është vëllazëria e vesit të krimit. Tahiri reagoi duke thënë se ndaj tij janë bërë deklarata nga më absurdet, madje edhe se “ai i ka vendosur vetë bombat në familjet e tij”.
“ Ne mbrojmë anëtarët e PS që përballen me akuza të pavërteta, por kur ndodhemi përballë fakteve ia lëmë atë organeve kompetente. Këtu ndahemi ne nga ata, dhe kjo na dallon për besimin që na dhanë qytetarët. Këtu në këtë foltore duhet të jemi të drejtë me ata që na dëgjojnë. Askush nga ne nuk mund të vihet në bankën e të akuzuarve vetëm se është përballë një opozite që dje ishte në qeverisje. Këtu janë bërë akuza nga më të ndryshmet, madje edhe që kam vënë unë bombat në familjen time. Nuk është kjo mënyra për të bërë akuza. Ne duhet të ecim përpara për reformën në drejtësi”, tha ministri Tahiri.
