Ligjvënësja Mesila Doda, mbron sukseset e qeverisë Berisha në fushën e dixhitalizimit dhe i ka kujtuar ministres së Inovacionit se nuk mund të mburret me punën e qeverisë së mëparshme.
Ligjvënësja e kuvendit të Shqipërisë, Mesila Doda, debatoi sot me ministren e Inovacionit, Milena Harrito, lidhur me procesin e dixhitalizimit të mediave në Shqipëri, shtrirjen e internetit dhe liçensimin e mediave. Në kohën kur po diskutohej ligji për frekuencat dixhitale, ministerja Harito ka mbajtur fjalimin në Kuvend, ku dhe ka theksuar se gjithçka është kryer nga ministria që ajo drejton. Deputetja Mesila Doda, ka kundërshtuar pretendimet e ministres Harito duke i kujtuar asaj kontributin e pamohueshëm të qeverisë Berisha në këtë proces.
“Historia nuk nis me ty zonja Harito” i është drejtuar Mesila Doda, ministres së Inovacionit. Lidhur me digjitalizimin e mediave, liçensimin e tyre pavarësisht politikës editorial që ato kishin në raport me qeverinë, por edhe shtrirja e internetit në mbarë vendin, për deputeten Doda janë meritë e padiskutueshme e qeverisë Berisha. Deputetja Doda ka folur në këtë debat edhe si ish-kryetare e KKRT-së, duke i kujtuar ministres Harito, se i gjithë procesi në të vërtetë është kryer gjatë qeverisjes së mëparshme të demokratëve. Doda i tha ministres Harito se falë atyre arritjeve, dividenti dixhital do e shuaj urinë për frekuenca në media, ndërsa qeverisë aktuale i mbetet të menaxhojë vetëm kontentin, përmbatjen e tij.
