Kryeministri grek Kyriakos Mitsotakis deklaroi sot në parlamentin grek se Greqia do të zgjerohej me 12 milje në detin Jon dhe se kishte informuar për të gjitha detajet dhe ministrin e tij të Jashtëm Nikod Dendias, për të cilin tha se do të vizitojë Tiranën shumë shpejt.
Duket se Dendias e nisi “operacionin” e tij në Shqipëri që dje duke zhvilluar një telefonatë me kryeministrin e Shqipërisë, Edi Rama, gjë të cilën e njoftoi edhe përmes një postimi në rrjetin social Twitter.
Dendias tha në postimin e tij se ka folur me Ramën për zhvillimet në rajon dhe në raportet mes dy vendeve duke mos dhënë detaje, por ishte vetë shefi i tij sot që zbuloi gjithçka duke konfirmuar se fokusi i vizitës së tij në Shqipëri ishte pikërisht marrëveshja e detit.
