Sipas një sondazhi të shpejtë të rrjetit CNN, Joe Biden e ka fituar debatin ndaj Donald Trump me rezultatin 53 % kundër 39 %.
Debati mes dy kandidatëve për Shtëpinë e Bardhë pati disa tema të forta, ku kryesorja ishte COVID-19.
Biden shpalli: “Do të ndalojë virusin, jo vendin!”. Por, sipas tij për të hapur vendin duhen marrë masat standard si maskat, distancimi social apo pleksiglasi në tryezat e restoranteve.
Kandidati demokrat tha se Trump është përgjegjës për vdekjen e mijëra personave, teksa ngulmoi që Presidenti i Shteteve të Bashkuara ka gënjyer njerëzit.
Nga ana e tij ky i fundit që për punë javësh vaksina anti-koronavirus do të nisë të aplikohet në Shtetet e Bashkuara.
Joe Biden e konsideron Donald Trump si një nga Presidentët më racistë të historisë moderne.
Për politikën e mbylljes së kufinjve, Biden e vlerësoi kriminale ndarjen e fëmijëve nga nënat në kufirin me Meksikën, kurse për politikën e jashtme Biden e quan kriminel liderin e Koresë së Veriut, kurse Trump thotë që me të ka raporte të mira dhe nuk do të ketë luftë.
Sipas analistëve Biden ka bërë gabim teksa në orën 21.21 të Nashville pa orën, gjë që u komentua si i njëjti gabim që bëri George Bush Senior në vitin 1992 përballë Bill Clinton.
Kjo tregon padurim dhe vështirësi në debat.
