Janë publikuar pamjet vetëm pak sekonda pas atentatit të ndodhur në Lezhë ndaj Blerim Preçit dhe kushëririt të tij Klisman Preçi.
Kujtojmë se mbrëmjen e djeshme persona ende të paidentifikuar, qëlluan me armë zjarri në drejtim të një mjeti në lëvizje, brenda së cilit, udhëtonin Blerim Preçi dhe Klisman Preçi. Atentati i mbrëmshëm në Lezhë, ka ngritur në këmbë policinë e Lezhës ndërsa është vënë pas autorëve.
Mësohet se gjatë natës policia ka ushtruar kontrolle për të kapur atentatorët që sulmuan me armë makinën e 28-vjeçarit Blerim Preçi.
Gjithashtu mësohet se ka pasur disa persona që janë shoqëruar për ngjarjen. Deri më tani nuk dihen motivet se për çfarë mund të ketë ndodhur ngjarja, ndërsa policia po heton.
