Kryetari i Bashkisë së Durrësit, Vangjush Dako, është përfolur ditët e fundit se ka dalë i përfshirë në përgjimet e bandës së “Avdylajve”.
Duke komentuar përgjimet e publikuar së fundmi, ku Dako komunikon me Altin Avdylin, ai u shpreh se është një kryebashkiak që komunikon me të gjithë dhe këtë e bën në kuadër të votave.
“Nuk jam rastësisht i zgjedhur tre herë. Metodat e mia të komunikimit, janë se shkojë derë më derë, i takoj të gjithë. Nuk ka person në qytetine Durrësit që unë nuk e kam takuar. Merr gjendjen civile, hape dhe më thuaj një person dhe do të të them se kush është ku jeton, me detaje”, – tha Dako në emisionin “Opinion”.
Ai ka shkuar më tej, ku ka sfiduar edhe vetë kryeministrin Rama, për komunikim me njerëzit, ai tha: “Rama mund të ma kalojë për sms, por kur bëhet fjalë për të folur në telefon, s’ka birë kurve që të ma kalojë mua për komunikim”.
Dako tha se ai shkon shtëpi më shtëpi, sidomos në ato familje që kanë shumë votues, dhe këtë e bën në të gjithë Qarkun e Durrësit.
