Nga Olti Curri
Mira nuk ka nevojë të mbrohet nga unë, sepse nuk ka bërë asgjë më pak a më shumë se plot njerëz mediash që prej 90-tës e tutje paguhen përrr marrëdhënie me publikun nga ente shtetërore, por unë duhet të them të vërtetën në lidhje me atë që kolegia kishte detyrë të bënte si specialiste komunikimi në UKT.
Duhet të tregoj se ajo ka komunikuar me mediat, portalet e kështu me radhë për problematikat e Ujësjellësit të Tiranës, kur unë denoncova para dy muajsh mungesën e ujit në një zonë në Astir. Megjithëse jemi edukuar me Abetare ku “Mira punon me traktor”, në kohët moderne specialisti i komunikimit me publikun nuk ka pse të rrijë 8 orë në zyrë, ndërkohë që mediat, me të cilat bashkëpunon janë në lëvizje.
Ju e dini shumë mirë që jam një nga kritikët më të zjarrtë të Bashkisë së Tiranës dhe Erion Veliajt, por pikërisht se njihem që flas hapur, po hapur duhet të tregoj atë që ka ndodhur.
Përtej miqësisë me Mira Kazhanin, kolegët e dinë se ajo s’ka bërë asgjë që nuk bëhet rëndom prej shumë vitesh. Madje, fakti që nuk ka ndyer duart me zarfe, por është paguar me bordero dhe me të gjitha rregullat e shtetit tregon se nuk ka fshehur asgjë.
Në qoftë se doni ta masakroni Mirën, thjesht nuk e ngrini dot armën për të masakruar të korruptuarit e vërtetë, pushka top!
