Ndryshimet në qeveri janë të paevitueshme, ku largimi nga detyra e djaloshit Gent Cakaj është ndoshta më e sigurta.
Por, vetë zyra e tij e shtypit ka përgënjeshtruar një lajm të këtillë. Deklarata e lëshuar më shumë ka hall të theksojë që Cakaj është pjesë e rilindasve, në mënyrë që mos të vaditen zërat që e çojnë atë dhe besën drejt e tek PDK e kadri Veselit.
“Cakaj është Ministër në detyrë për Evropën dhe Punët e Jashtme i Shqipërisë, si dhe Sekretar i Partisë Socialiste të Shqipërisë. E gjitha puna e tij është e fokusuar tek realizimi sa me i suksesshëm i detyrave, të cilat i janë caktuar dhe mbi të gjitha i këtij mandati. Çdo punë e tij e zhvilluar deri më sot shkon në përputhje me mandatin e tij.
Kjo për t’u nënvizuar. Më vjen keq, por çdo gjë tjetër është spekulim për qëllime politike”, ka thënë në emër të tij Zyra për Media e Ministrisë së Jashtme të Shqipërisë.
