Është thjesht çështje orësh dhe maksimumi ditësh, por gjithsesi Cristiano Ronaldo mund të konsiderohet si një futbollist i Juventusit.
Pas lajmeve se portugezi do të kalojë në “Seria A”, madrilenja “AS” ka shkuar më tej duke zbuluar edhe detaje të reja. Ajo shkruan se pas marrëveshjes mes Realit dhe ‘zonjës së vjetër’ janë dakortësuar edhe përfaqësuesit e Ronaldos me klubin italian.
Është firmosur një kontratë 4-vjeçare me CR7 i cili do të përfitojë 30 mln euro në sezon, ose 120 mln euro në total. Për kartonin e lojtarit Reali do të mbushë arkën me 100 mln euro, ndërsa pa gjë nuk mbetet as Manchester United, klub ku portugezi ka luajtur për 7 vite.
Anglezët do përfitojnë 2.5% të shumës, saktësisht 2.5 mln euro.
Ndërkohë mësohet edhe dita kur transferimi do të bëhet zyrtar. Sipas “AS” palët do të njoftojnë arritjen e marrëveshjes ditën e shtunë. Me këtë lëvizje Juventus nuk është thjesht ekipi për t’u mundur në “Seria A”, por edhe në Europë.
