Mjekja në Spitalin Amerikan, Albana Daka shpjegoi në emisionin “Abc-ja e mëngjesit” rëndësinë e marrjes së vitaminave dhe suplementeve kundër Covid-19. Daka u shpreh se marrja e tyre në sasi të caktuara është e rëndësishme për të ndihmuar në forcimin e sistemit imunitar, për të parandaluar gripin por dhe virusin.
Gjithashtu, mjekja shtoi se pasi mund të kenë efekte anësore siç është dhimbja e stomakut si dhe mund të shoqërohet me diarre sidomos nëse tejkalohet sasia e rekomanduar e vitaminës C. Duke marrë shkas nga fakti se shumë njerëz të infektuar me virus përdorin antibiotikët, mjekja u shpreh se përdorimi i tyre nuk është i rekomandueshëm.
“Studimet kanë treguar se vitamina D është një stimulues i sistemit imunitar dhe na ruan nga infeksionet respiratore të traktit të sipërm. Na ruan nga bronkitet e thjeshta por gjithashtu studimet gjatë pandemisë tregojnë se marrja e saj në doza spitalore tek një person me formë të rëndë të Covid është parë që ul simptomat sepse forcon sistemin imunitar dhe reagon për të ulur simptomat e Covid-19. Vitamina C po ashtu sugjerohet në muajt e ftohtë të vitit, për t’u ruajtur nga griprat stinorë. Duke qenë se e dimë se ushqyerja është pak problematike dhe nga modifikimet e ushqimeve të konservuara atëherë dhe minerale janë në sasi jo korrekte në ushqime që domethënë që në periudha të ftohta të vitit duhet t’i marrim në formën e suplementeve. Sugjerohet 200-500 ml në ditë tek të rriturit. N kushte spitalore doza të larta të vitaminës deri në 10 gramë në ditë dhe në kushte shtëpie deri në 3 gramë pasi është parë që ul simptomat e Covid. Dhe zinku është një element në kushtet e parandalimit si të gripit dhe Covid, është parë që në doza 200-400 ml është i mirë për sistemin imunitar.“, shpjegoi mjekja.
