Vetëm një ditë pasi Federata Shqiptare e Futbollit iu kërkoi të dërgonin listë-pagesat, zbulohet plani për ndihmën financiare në drejtim të klubeve të zhytyr më tej në krizë si pasojë e situatës me Coronavirus.
Burime pranë FSHF bëjnë të ditur, se qeveria e futbollit në vend pritet të paguajë pagat minimale për të gjithë klubet nga ata të Superligës deri në Kategorinë e Dytë.
Një grup pune po vlerëson planin e ndihmës, ndërsa për momentin nuk mund të përcaktohen afatet kohore, pra për sa kohë futbolli do të vijojë i pezulluar dhe për sa muaj Federata do dhe mund të paguajë rrogat minimale. Kujtojmë që qeveria shqiptare ka lënë futbollin jashtë paketës së ndihmës financiare.
