Kryebashkiaku Erion Veliaj i qëndron fort marrëzisë së tij për betonizimin e Tiranës duke u mburrur për këtë skandal në çdo dalje të tij në media.
Së fundmi, Veliaj ka bërë një deklaratë të “çmendur” teksa foli për fluksin e ndërtimeve në Tiranë ku tha me bindje se ndërtimet do të vijojnë dhe se kush është kundër mund të zgjedhë të hidhet nga ballkoni, pasi sipas tij askush nuk mund t’i vendosë gjoba Bashkisë.
“Ne do të na keni përballë përherë, por gjoba me ne dhe histori makabre, të tilla si e vrau ky apo e vrau ai këtu, në Sukth apo Sri Lanka, nuk funksionojnë. Ua them këtë, për gjobaxhinjtë, se Tirana do të rritet. S’mund të themi duam turistë, por nuk kemi hotele, apo dua arsim profesional, por s’kam vende pune. Do hotele? Do i ndërtosh. Do arsim profesional? Do i gjesh vendin ku do të punojnë se s’ka se si të ndodhë ndryshe. Ne te kjo çështja e gjobave nuk pyesim. Bëj ç’të duash, hidhu edhe nga ballkoni po deshe, siç po ndodh me këta të lajmeve të rreme dhe shpifjeve. Te ne funksionon: Më pyet, të përgjigjem, por me gjoba jo. Ua them këtë që të dini se çfarë vjen, nga tani deri në zgjedhje do të keni vetëm gjoba”, tha Veliaj.
Qytetari i parë i Tiranës ka lejuar me vetëdije të plotë ndërtimin në çdo pëllëmbë të qytetit për tu bërë ndereve oligarkëve të qeverisë. Gijotina.com ka denoncuar vazhdimisht skandalet e Veliajt, i cili ka si synon lehtësimin jetës për të pasurit e serës së tij dhe lënien në dorë të fatit të pjesës dërrmuese të qytetarëve të Tiranës.
