Kryeministri Edi Rama thotë se ky do të jetë viti i turizmit të shqiptarëve pasi qeveria po përpiqet të hapë të gjitha rrugët për bashkëkombasit kudo që jetojnë ata.
”Linjat ajrore janë të mbyllura. Kemi një koridor ajror me Air Albania, sa hapet aplikimi rezervohen menjëherë.
Europa ka thënë që do hapen më 15 qershor, kurse disa vende do i hapin më herët. Ne do i shohim dhe duam t’i qëndrojmë objektivit që brenda majit të hapim të gjitha rrugët ajrore për gjithë shqiptarët kudo që jetojnë, edhe në funksion të turizmit.
Këtë vit do jetë turizmi i shqiptarëve. Shqiptarët nuk do të kujtohen për Suedinë, dhe thonë se ja si nuk u mbyll Suedia, por do të sillen si suedezë për rregullat.” u shpreh Rama.
Gjithashtu kreu i qeverisë tha se duke filluar nga e hëna më 18 maj, do të hapen të gjitha përveç transportit public dhe mjediseve të mbyllura.
“Ju e dini si janë kushtet e autobusëve. Po të vëmë në dispozicion autobusët është si të vëmë në dispozicion virusin. Nuk jemi ende gati ta bëjmë. Po punojmë me një grup ndërinstitucional, me drejtorin e transportit, të tatimeve, me drejtoren e AKSH-it duke ju krijuar operatorëve dhe publikut mundësi të reja. Kështu që durim në lidhje me transportin publik sepse ende nuk jemi aty. Është problem i madh në këto kushte që flasim”, tha Rama.
https://www.facebook.com/edirama.al/videos/803175863543542/
