Nënkryetari i LSI, Petrit Vasili ka reaguar lidhur me fjalimin e kryeministrit Edi Rama ditën e djeshme në Kuvend lidhur me çështjen e detit dhe për një marrëveshje me Greqinë.
Përmes një statusi në Facebook, Vasili thotë se Rama belbëzoi sërish dhe tashmë është kapur në tradhëti me presh në dorë.
Ai paralajmëron se ndëshkimi për tradhëtinë e Ramës do të jetë i pashmangshëm dhe i rreptë.
STATUSI NGA PETRIT VASILI
Tradhëtari Kryeministër belbëzoi sërish!
Belbëzimet fajtore të kryeministrit dje në parlament konfirmojnë tradhëtinë e pambulueshme të tij.
Asnjë përgjigje përse qeveria e rilindjes zvarritet vetëm pas deklaratave greke.
Asnjë përgjigje përse shqiptarëve ju mbahen fshehur negociatat.
Asnjë përgjigje për “gjumin” e qëllimshëm të grupit negociator.
Asnjë përgjigje për qëndrimin e palës greke që nuk e pranon vendimin e gjykatës kushtetuese të Shqipërisë si detyrim për negociatat.
Asnjë përgjigje se çfarë marreveshje ishte gati për tu firmosur me kryeministrin Tsipras dy vjet më parë.
Klithmat histerike të një tradhëtari të kapur me presh në dorë nuk bindin kërkënd.
Qurravitjet për të hedhur fajin lart e poshtë janë aq qesharake sa veçse rëndojnë më shumë tradhëtinë.
Ka vetëm një përgjegjës dhe një fajtor dhe ky është kryeministri.
Rekordet e tij si matrapaz kufijsh nga Shqipëria deri në Kosovë e bëjnë dëshpërimisht të pabesueshëm.
Çështjet e mësipërme duan përgjigje ose në të kundërt dënimi për tradhëtinë do të jetë i rreptë dhe i pashmangshëm.
