Një person është vënë në pranga nga policia në Cërrik pasi është kapur me 16 doza lëndë narkotike e dyshuar me atë të llojit heroinë. Personi i arrestuar është shtetasi Aleks Pupuleku, 39 vjeç, banues në Cërrik. Arrestimi i tij u bë gjatë ditës së djeshme nga specialistët e Sektorit Kundër Narkotikëve, në Drejtorinë Vendore të Policisë Elbasan në bashkëpunim me efektivat e Komisariatit të Policisë Cërrik. Gjatë kontrollit fizik policia i gjeti dhe i sekuestroi në cilësinë e provës materiale 16 doza lëndë narkotike e dyshuar me atë të llojit Heroinë.
Në pranga janë vënë edhe dy personat të tjerë, shtetasit Fetah Jançe, 23 vjeç, banues në Cërrik, si dhe Sinan Sanxhaku, 19 vjeç, banues në Cërrik.Ata u arrestuan pasi kanë kundërshtuar me dhunë punonjësit e policisë të Komisariatit të Policisë Cërrik duke mos lejuar arrestimin e shtetasit Aleks Pupulekës.
